الاوله

[صوت نجد]

بسم الله الرحمن الرحيم
اعضا المنتدى السلام عليكم ورحمه الله وبركاته
مساكم الله بالخير

الاوله يامرحبا والثانيه ماني غريب
والثالثه والرابعه نعط الرجال حقوقها
اليله المعنى جبل والله على خلقه رقيب
انكان بن منور لقيته حاضرن في سوقها

[عبدالله منور البدراني]

الاخ احمد بن جايز
اهلا وسهلا بك حياك الله

الاوله دام البقا والثانيه خلك قريب
والثالثه والرابعه شوف الجحيم وذوقها
ان كان بن جايز على قد المهمه لايغيب
القوم لاونك تكافح ما تبل حلوقها

[عبدالله منور البدراني]

الاخ احمد بن جايز
اهلا وسهلا بك حياك الله

الاوله دام البقا والثانيه خلك قريب
والثالثه والرابعه شوف الجحيم وذوقها
ان كان بن جايز على قد المهمه لايغيب
القوم لاونه يكافح ما يبل حلوقها

[صوت نجد]

اناوصلتك ونتبه مال الجروح الاالطبيب
والنار كم يامرتن حمست راسك فوقها
حنا نمد الطيب ولانته تراء جحاد طيب
ونته عيونك دمعها عيا يفارق موقها

[عبدالله منور البدراني]

استلم
احذر يابن جايز ترى في شامخ الضلعان ذيب
وانته قبل نعرفك تحت الارض ولا فوقها
الضاهر انك باالقسوم الطيبه مالك نصيب
تعاهد اصحابك على القران ثم تبوقها

[عبدالمحسن ابراهيم الطيير]

صح الله السنتكم وبيض الله وجيهكم

استمرو ترانا متابعين

[صوت نجد]

استلم
ياذيب من راس الجبل حولت في بطن الشعيب
وانا عيوني للصقور اللي تفك اسبوقها
متعب حياتك يابن منور ماتودي ماتجيب
وش جبت من شين العباه اللي كثار فتوقها

[عبدالله منور البدراني]

استلم
يااللي تنادي للعرب ماعاد تلقالك مجيب
عساك تكفيك الرمال اللي مغير تحقوقها
تال اليالي صار حتى الذر نسمع له دبيب
والذر يسكن تحت شجره ناميات اعروقها

[صوت نجد]

استلم
خذها على الحجان من جساس ياحضرت كليب
ياجاهل اسلوم العرب عز الرجال اعموقها
حنا نعرف الحاشي الي ممتلي حلقه حليب
امه من الضرب القوي عيت تطيب افلوقها

[عبدالله منور البدراني]

ترى الكلام الزين طيب والكلام الشين عيب
يااللي تقول انك تقود القافله وتعوقها
ارقد بحضن امك سنه ورضع قبل راسك يشيب
واذهن تجيب الكارثه للقوم يامطفوقها

[الشاعر بدر راشد]

صحة السنتكم امتعتونا

قوه بالهجوم-قوه بالدفاع

استمرو

هاذا شعر الرد الحقيقي

الشاعرين عمالقه



الشاعربدرالبدراني

[ضيف اللة عوض البدراني]

الله الله الله يا الرياجيل صراحه ظلمين
انفسكم

حنا نعرف الحاشي الي ممتلي حلقه حليب
امه من الضرب القوي عيت تطيب افلوقها


ارقد بحضن امك سنه ورضع قبل راسك يشيب
واذهن تجيب الكارثه للقوم يامطفوقها

صــــح لسانك يا احمد بن جهيم
وصح لسانك يا بو منور

[صوت نجد]

استلم
حي السان الي طلعلك عقب سجن ابو غريب
ونته فدى روحتك مع درب الرجال اونوقها
خلك بجنب الحاشي المفرود وشرب ياشريب
قدام كبدك من فعولي لاتزيد احروقها

[عبدالله منور البدراني]

استلم
جندي تحيي لك لوا وتمشي على اوامر رقيب
الشمس لابانت على شرواك شاف اشروقها
العام حطينا على خوتك ياالخاين صليب
واليوم لاانته صاحب العذرا ولا معشوقها

[احمد ماجد البدراني]

صح لسانك ياعبد الله شاعر كبير
وصح لسانك يااحمد شاعر كبير

[صوت نجد]

استلم
العسكريه عزنا لاكن رح يابو ذنيب
وش عرغك درب المراجل يافتا وطروقها
حنا على وضح النقا مافيه لاشكن وريب
كم بينك وبين النجاه الي لابستم طوقها

[صوت نجد]

عبد المحسن بدر راشد ضيف الله احمد ماجد
اشكركم جزيل الشكر على المتابعه لكم الود

[عبدالله منور البدراني]

ازريت لا القالك دوى اجبرك وكسورك تعيب
ليا جبرت اعضامك الهشه تبين اطقوقها
خلك على ممشاك الاول من دعيب ليا دعيب
وشرب من امطار المزون اللي تلوح بروقها