موال

[صوت نجد]

موال

(عشر زايد عشر ضرب اثنين ناتجها أربعين)

أنت يلي تطلب الموال موالك بدا
كل شاعر يحسب احسابه ليا منه بدا
ويصخر القيفان يومنه على القمه بدا

(عشر زايد عشر ضرب اثنين ناتجها أربعين)

مرحبا ترحيبتن مثل العسل حالي محلا=لذ من طعم العسل والذ من نهر الفراتي

السنين الماضيه ياصاحبي ربطن وحلا=يابن منورالله اعلم بالسنين المقبلاتـــــــي

[عبدالله منور البدراني]

اهلا وسهلا يااحمد
واستلم
عشرزايد عشر ضرب اثنين ناتجها اربعين

ابتدى الموال وانته لاتمول وتحدى
انت وشبك كل ماجيناك باالجنب تحدى
الجبال الراسيه بالارض تتعب وتحدى
بارك الله باالرفيق اللي ليا جيناه هلا=ملتزم من طيب قلبه في جمع الواجباتي
لاتعود للزمان اللي مضى وقته وولا=بالسنين المقبله حاول تعمل الصالحاتي

[صوت نجد]

استلم

عشر زايد عشر ضرب اثنين ناتجهااربعين

انت رجالن تقود القافله وتسوقها
وتجاهك بالخطا منته بعارف سوقها
ولجبال الراسيه حنا ولاكن سوقها

عشر زايد عشر ضرب اثنين ناتجها اربعين

الحبل قاد الجمل ميرالجمل من وين فلا = =قالو انه راح ماعنده سنام ولالهاتــــي
البروق انشوفها مير المحاجر ماتملا=وش نسوي ماتت الشجره قبل وقت المماتي

[عبدالله منور البدراني]

خلوها
عشر زايد عشر ضرب اثنين ناتجها اربعين

انت ضمن القافله والقافله رجل وجمل
وان بغيت ابيعهم باالفرد ولا في جمل
لازعلت من الدعاوي يمكن انحرلي جمل

عشر زايد عشر ضرب اثنين ناتجها اربعين
انت في وسط السفينه مانت لااقي لك محلا=لاتقلول انا الخبير اللي صنعت الطايراتي
السحاب يمر مسرع وانته عيونك تحلا= مير خلك في رجا الله باالسنين الدايراتي

[صوت نجد]

استلـــــــــــم

عشر زايد عشر ضرب اثنين ناتجها اربعين


البعير الي تسوقه ليش تقطع ساقته
ماتعرف ان العرب قدام اخبرك ساقته
البروق اتلوح والمزنه من الماء ساقته

عشر زايد عشر ضرب اثنين ناتجها اربعين

المحل امثبته ونجم من فوقك تعلا= = مثل براق السحاب الي بروقه سارياتي
العرب ماهوسواء وذيب مثلك مايخلا = ماتعوض حاجتن راحت على الطيب فواتي

[عبدالله منور البدراني]

خلوها
عشر زايد عشر ضرب اثنين ناتجها اربعين

انت تشقر والشقر ببيوت ولا في عصى
كل ما جنبت لك مع درب في راسك عصى
واقرب اخوياك لامنك تنصيته عصى

عشر زايد عشر ضرب اثنين ناتجها اربعين

بعد ثبت المكان وما وصلته لا تغلا=مثل من كسر شداده وارنبه تحت الحصاتي
لو يخطفنك يدينا صارت يدينك تدلا= صرت صيده في يدينا للسباع الجايعاتي

[ضيف اللة عوض البدراني]

صـــحت السنتكم يا بن جهيم وبن منور

مما راق لي يا بو منور



لاتعود لزمان الى مضى وقته وولا= با السنين المقبله حاول تعمل الصالحاتي

ومما راق لي يا بن جهيم


البروق نشوفها مير المحاجر ما تملا=وش نسوي ماتت الشجره قبل المماتي

يعطيكم الف عافيه

[صوت نجد]

( عشر زايد عشر ضرب اثنين ناتجها أربعين )

العصى في راسك اللي يوم جيناكم رخا
ليــــــه ماشديت حبل السانيه يومه رخا
لاتــضيعك الــروابع وانت ماتاصل رخا

(عشر زايد عشر ضرب اثنين ناتجها أربعين)

تدري إن الوقت على كبود بعض الناس علا = والمراعي مايعوض عن حليب الامهاتي
اليدين المــــــيته من موتهاماتنـــــــتولا =سجل اسمك بالكتاب اللي عليه الذكرياتي

[صنت البدراني]

ياسلام ابداع من شعراءنا صحة الالسن والقلوب . الله يعطيكم العافيه

[صوت نجد]

اخواني ضيف الله وصنت اشكركم على المتابعه ولكم الود ولاحترام

[عبدالمطلوب مبارك البدراني]

الاخوين احمد جايز وعبدالله منور صحت السنتكم
موال رائع

لكم فائق احترامي

[عبدالله منور البدراني]

خلوها
عشر زايد عشر ضرب اثنين ناتجها اربعين
عندنا سيف ن ليا منا ضربنا به قطع
لارفعنا روسنا عدواننا راحو قطع
والردي اللي تكلم لاتكلمنا قطع
عشر زايد عشر ضرب اثنين ناتجها اربعون
ما لعبنا باالحون النادره غير انتسلا= باالليال المضحكات وبااليال المبكياتي
مادخل بقلوبنا لصحابنا الغالين غلا=للعيون النايمات ولاالعيون الساهراتي

[عبدالله منور البدراني]

الاخ الغالي عبدالمطلوب مبارك
شرفنا مرورك لك الود

[صوت نجد]

استاذي عبدالمطلوب اشكرك على المتابعه

[صوت نجد]

عشر زايد عشر ضرب اثنين ناتجها اربعين

ودي انك طيبن تطلع مثل خالك بدر
ونت شاعر محترم لاكن حكم ما بدر
الجبل يبقى جبل والبدر فمكانه بدر

عشر زايد عشر ضرب اثنين ناتجها اربعين


انتسلى فيك دايم والمواقيف انتجلا= الفرح من طبعنا والحزن سوابك شتاتي

علم الي من عماه ايتل حبل الشر تلا= وزمن مدري كتبلي سيتن ولاحسناتي

[عبدالله منور البدراني]

خلوه----------------------ا
عسر زايد عشر ضرب اثنين نا تجها اربعين


عينك تشاهد علم وعيوني تشاهد علم
لاترفرف في جناحك كل مارفرف علم
لو جهلت بكل حاجه مانعلمك بعلم


عشر زايد عشر ضرب اثنان نا تجها اربعين

عادتك دايم تجلا ولاانا حشى وكلى=والله انا مانفكرباالعلوم الناقصاتي
انتهت واحمد بعد ما يمنا كبر وصلى=وان ذكرت محمد المختارزيدوباالصلاتي

[صوت نجد]

عشر زايد عشر ضرب اثنين ناتجها اربعين

لاتزودها شويه قبل نسمركم سمر
انتبه قدام لانحذفك في نار ن سمر
ما جهلنا فعلنا ونتم للياليكم سمر

عشر زايد عشر ضرب اثنين ناتجها اربعين


ماحضرنا ياولد منور على الناس اتبلا = لويطول الماد لاتشوف النجوم القايلا تي

المعذر ه يازملانا ولمعذره كود(ن)الا =غير عبدالله نويت اشفره مثل القناتـــــي

[الحرير]

وقفت عند هذه المحاروه وعجبت بها وقريتها حتى النهايه

واقول بن جهيم
وبن منور
بيض الله وجيهكم على هذه المحاوره الرائعه ونطمح للمزيد