نرجو من ابو ناصر يحضر لتكميل

[ضيف اللة عوض البدراني]

السلام عليكم ورحمه الله وبركاته

مساكم الله با الخير .....



يا سلام الله سلامن كل ما جيت اباقوله= كل خلق الله تلفت من يمين ومن شمالي

والله انها من ابو ناصر ما هي بمعقوله = وجهت النظر يا بو ناصر ما تنقص با الاموالي

[عبدالمطلوب مبارك البدراني]

مرحبا بالطيب اللي من رياجيل الحمولة = والله انك عندنا يا بو عوض عالي وغالي
ابو ناصر كم واحد يوقفه يشعب ذلوله = والله اني ما نسيتك دائما وانته ببالي

[ضيف اللة عوض البدراني]

البقا والناس ماكلن يابن عمي عنوله =مانصينا الا الرجال الي يضدون الرجالي
الذلول يا بن عمي فيها هامل ومعقوله = شوف الي يصلحلك يا بن مبارك ونت جمالي

[عبدالمطلوب مبارك البدراني]

عندي العلم الاكيد اللي ضيف الله حام حوله = كل رجال يقدم كيف راسه من دلاله
المعاني ما تباع وتشترى في هالسهوله = خذ كلام اللي يميز مكسبه من راس ماله

[صنت البدراني]

عندي العلم الاكيد اللي ضيف الله حام حوله = كل رجال يقدم كيف راسه من دلاله
المعاني ما تباع وتشترى في هالسهوله = خذ كلام اللي يميز مكسبه من راس ماله

ابوناصر صح اللسانك بيتين تكتب بماء الذهب لله درك على هذا الابداع
الشاعر المتميز ضيف الله صح اللسانك على هذه البداية والمحاورة الجزله لكم تحياتي

[ضيف اللة عوض البدراني]

دام هذا علمك حنا لا عدينا شي نطوله =مانبي ابو ناصر ياعرب خلوه في حاله
ليا عدنا لك التوجيه ما عاد ابنا رجوله =الله الوالي يزين حالي ويزين احواله

[عبدالمطلوب مبارك البدراني]

ليش تزعل يا ابن عمي وانت ما كملت جوله = والله إنَا ما جهلنا ولا نحب اهل الجهاله
تونا بأول طريق وقدمنا حزام البطوله = والأمانة عندنا بالصون يا راع الرساله

[عبدالمطلوب مبارك البدراني]

عندي العلم الاكيد اللي ضيف الله حام حوله = كل رجال يقدم كيف راسه من دلاله
المعاني ما تباع وتشترى في هالسهوله = خذ كلام اللي يميز مكسبه من راس ماله

ابوناصر صح اللسانك بيتين تكتب بماء الذهب لله درك على هذا الابداع
الشاعر المتميز ضيف الله صح اللسانك على هذه البداية والمحاورة الجزله لكم تحياتي





الاخ الغالي صنت البدراني

سعدنا بمرورك العطر وحضورك الرائع وكلماتك الجميلة

لك فائق التحية والتقدير

[تركي الزايد]

صحت السنتكم...

وياقربكم ويابعدكم

تحيتي للجميع

[ضيف اللة عوض البدراني]

كل العقد يا بن عمي في حضوري محلوله =مازعلنا ليت ابو ناصر السعاده فاله
ابو ناصر يا جماعه مانشكك في دلوله =مير بحضوره ولا كل الامور سهاله

[ضيف اللة عوض البدراني]

شكرا للاخ العزيز الشاعر الاعلامي عبد المطلوب مبارك البدراني
تشرفت بمحاورتي معك واستفدت اشياء كثيره داخل الموضوع
وخارجه هناك بيت لك اعجبني



عندي العلم الاكيد الي ضيف الله حام حوله =كل رجال يقدم كيف راسه من دلاله

الدعوه تعتبر وقفه لمن يستحق؟؟؟؟؟؟ ولا يوجد اجبار لاحد

شكرا للاستاذ عبد المطلوب ولاخوان الي شاركو

استاذي الكريم لك اجمل تحيه ...