سلام ومرحبا

[صوت نجد]

بسم الله الرحمن الرحيم

السلام عليكم ورحمة الله وبركاته

سلام ولامرحبا ون قلتها بالحـــــــــــالتين =مابه خطا لاقلتـــــــــــها بالاوله والثانيه

قم ياصنت عطنا علومك ياعشـيرالغانمين=تراء البدوحمض الرجال اعلومها ياراويه

[الشاعر بدر راشد]

الشاعر احمد بن جهيم البدراني

صح السانك



بنتظار الشاعر صنت بن عوض البدراني


متابعين



الشاعربدرالبدراني

[صنت البدراني]

وعليكم السلام



الاوله والثانية ماتستوي بالكفتين= الاوله سنة نبي ماهي عليكم خافيه
انا علومي طيبه ماتختفي قدمك تبين= اقلط تفضل عندنا تلقى العلوم الوافيه

[صوت نجد]

استــــــــــــــــــــــــــــــــلم


الحمد لله واشـــكر حنا على تقوى وديـن= والدين شرع الله ويحكم بيننا بنصافيــــه

النار تالع من حطب والطيب سلم الطيبين =اقولها ياصاحــبي وتقولـــــــها العرافيه

[صنت البدراني]

استلم


ماقول فيك اقصور مسلم من رجال(ن) صالحين= والله عطاك العقل والتمييز يالانسانيه
قول العلوم اللي براسك لايسار ولايمين= وابشر بزاد(ن) يشبع الجيعان والخرمانيه

[صوت نجد]

استـــــــــــــــــــــــــــــــــــــلم


حاول تركز زين تستعجل عسى عمرك سنين = ان كان تمشي مشها من دون وزن وقافيه

انا علومي ياصنت مثل الصخر صعبن يـــلين = وعلومكم من حقها تسفي عليها الســــــافيه

[صنت البدراني]

السالفه ماهي كذا ياصاحبي خلك فطين= ترى المعاني ماتجي بالصوت والالحانيه
لا والله الا روحت ياالله تعوض المسلمين= احمد ذلوله روحت به مع طريق الهاويه

[صوت نجد]

استــــــــــــــــــــــــــــلم


السيف والنخله شعار المملكه تفهم منين= امن وامان اجر صوتي والضماير صافيه

ماتدري ان العاقبه ياصاحـــــبي للمتقين= وابشرك حبل المطيه في يدي ياكافـــــــيه

[صنت البدراني]

استلم


ليتك رسمت الدرب بدري قبل تاخذ لفتين=عندك خلل بالركبه اليمنى تبا وزانيه
العاقبه للي على دين الهدى والمهتدين= يوم المطيه ماشيه في دربها متعافيه

[صوت نجد]

استــــــــــــــــــــــــلم


حنا النجوم البينه وانــتم نجومــن صــاقطين = لوالخلل بعيونك الثنــتين ولاكـتافيه

اثرك تدري بالمعارك من عصر بدر وحنين = الناس تنظر قدمها وانته تــلد اخلافيه

[صنت البدراني]

استلم


لاوالله الا طولت قامت تحوم ام القرين= تنطح جبال(ن) راسيه وزرت عن الضلعانيه
اسمي على وجه السماء واسمك على حد البطين= تمشي على نيه كذا وانا على المشرافيه

[صوت نجد]

استـــــــــــــــــــــــــــــلم

لاطولت فاأنا بـــحر وأن عودت مــعي انت مين = كلن دخل بيت الشعر مترامي الاطرافيه
انته اونعم واسمك كفوا تبا تحارب معك عين =حذراء يتعبك الزعل واشارتي لك كافـــــيه

[صنت البدراني]

استلم


يابر مادري يابحر يحفظك رب العالمين= ماني مدور فيك لا لولو ولامرجانيه
يابو جهيم انتهت كل السوالف قول امين= تبقى بخير وعافيه حنا ترانا خوانيه

[صنت البدراني]

صح اللسانك يابو جهيم شاعر مبدع ونعتذر عن اي قصور ونشكر كل من شرفنا والى لقاء قريب لك تحياتي

[عبدالله منور البدراني]

الشاعر احمد بن جايز البدراني


والشاعر صنت بن عوض البدراني


صحت السنتكم

مبدعين ومميزين لانستغرب منكم الابداع


ننتظر محاوراتكم القادمه

لكم احترامي وتقديري

[صوت نجد]

الاخ العزيز الشاعر صنت ابن عوض البدراني صح السانك وعتلا شانك وبيض الله وجهك على المحاوره التي اكثر من رايعه
ونا لي الشرف اني العب معك ورجوا ان تسامحني اذا بدى مني اي خطا والمعذره على القصور
وانشكر جميع من تابعنا

و السلام عليكم ورحمة الله وبركاته


احمد جايز البدراني

[ضيف اللة عوض البدراني]

صح لسانك يا احمد بن جهيم وكذالك يا صنت بن عوض

لكم مني اجمل تحيه.............

[عبدالمجيد بن شعيفان]

صح لسان الشاعرين المبدعين صنت عوض واحمد ابن جهيم وننتظر المزيد من الابدع في مناسبات قادمه تحيااااااااااااااتي