قصائد فكاهيه

[طلال سعد البدراني]

اتمنى من الاخوه الى عنده قصائد او ابيات فكاهيه ان يتحفنا بها



وبدايه فيه شاعر يقول




ياهل الهواء وشلون صيفت هواكم = بالله قولوا كيف جاكم وجيتوه

والله لومره يصيف غداكم = ليمركم عض النهد ماعرفتوه

ويقول اخر


ياركبً من فوق دسسن مخطط = دسسن جديد مخططً بالتخاطيط
لاجيت عند البيت وقف وقل طط = انا معودهم اليا جيت اقول طيييط
تلقا حبيبي وسط بيته مرهط = يحي ابو هاكا العيون الزراهيط

ولكم تحياتي

[اللهبي]

لا صار خـلـّـك يستحق المسـبـّــة

سبـّــه ترى العشــاق غيرك يسبــّــون

لا ابوه لا بو الحب لا بو المحبه

لا آبو الغرام اللي يحدّك على الهــــون

يا لعن أبو قلب غشيم يحـــبـــّــه

وان مال له قلبك ترا القلب ملعون

أقول من هبـّــاك يا خبل هبـّـــــه

الدون ما يســلك معــاهم سوى الدون

عزّ الجفا ولا هـــوان المحـــــبة

مآخوذ من يصـــبر على الذل مغـبــون

أظهر قواة البـأس والضعف خبـّــه

ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه

أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه

أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــة

أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــة

إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه

مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة

وإن وخـّـروا وخرت والعــز مضمــون

ترى غلا هالوقت هبـّـة وهبـّـة

إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه

لا تـرتهـــي يـجـيــــك يوم ويــصـــــدّون

قبل يذبـّــك ناب الأرداف ذبـّــه

ترى حلاة الرجـــــل طـــاعن ومـــطـعون

كم عاشق خلـّـوه من غير سبـّـه

يصفق بكف كف ويقول وش لون

ما له جدى يا كــود دمع يكبـّــه

عليه سيف الهــجــــر والصــد مسنــون

هـــذا مـن أول يـــوم لو دلّ دربــــه

ما دشّ في دنيـــا المجــانين مجــنون

لـكـن تـبـــع قـلبـه وقـلبــه لعـب بـه

واليوم يبــغى عون ما حصـّـل العــون

روّض فؤادك يا إبن الأجـواد ربـّـه

البيض ما يصــلح لهــن كـود فرعـون

وإلا ضعـــيف النفس دايم مسبـــّـة

ودّك مســـاكين البشــــــر ما يحبـّـــون


منقول

[اللهبي]

عندما يرحل المحبوب و تقسو القلوب


شخــــــصٍ هويته جعل ربي يسلّه ------ أصعب شلل ويكون مايوجــــد دواه

والا برص يضفي على الجسم كله ------ يبدا بوجهه ثم يمشي على اعضاه

والا مرض طاعــــــــــون حتى يفله ------ يسمع علاجـــه بس من دون يلقاه

ويصاب بالسكر وجســــــمه يسله ------ حتى المشي بالرجــل ماعاد يقواه

اللي بلاني وانتقـــــــــل من محلّه ------ وأنكر عهودٍ كانت العـــــــام ممضاه


منقول

[فزاع البدراني]

الأخ العزيز / طلال سعد

أشكرك على هذه الموضوع الرائع وأحببت أن أشاركك

بهذه الرديه بين إثنين من قبيلة العجمان وهما سعد وضيدان

وكان هنالك فرق بينهما بالعمر وجرت هذه الرديه في أحد المقاهي





=يقول ضيدان

تطلب لي الشاهي وتطلب لك حليب = وانا على الحليب كبدي ذايبه

انا احمد الله يوم ماانت بـ لي نسيب = يقطع صبي ٍ مايقدّر شايبه

=فرد سعد عليه

قـم اطلب لنفسك ترى ماانت بـ غريب = ولاني بـ طالب لك ولاني بـ جايبه

تبغى الكفيّــا يوم طرّيت المشيب = واتعبتنــي مثل الوزير ونايبه

=فقال ضيدان

في خوّة الطيّب انا مالي نصيب = ومن خوة الرديان نفسي طايبه

وفد كان ظني فيك للعله طبيب = والاريا.. بها مخطي وفيها صايبه

=ورد سعد

كل ٍ يبي يرمي رفيقه في قليب = وابليس نوّخ عندنا ركايبه

وعلّمته الممشى سبقني في الخبيب = اللي علومه كلّبوها خايبه



تحياتي
0
0
0