فهد نفيع لاهنت تعال

[صنت البدراني]

السلام عليكم ورحمة الله وبركاته



تعال يا ابن نفيع اعطيك علم بسند= الناس يمي ويمك لدت اعيونها
لاصرت قاضي بلد خلك مع اهل البلد= تراك ملزوم تقضي للعرب شونها

[عبدالمطلوب مبارك البدراني]

صح لسانك وعلا شانك يا صنت

وبانتضار ابو عبدالعزيز

لك تحيتي وتقديري

[مشاري البدراني]

صح لسانك ياصنت وبنتظار الشاعر فهد


احترامي وتقديري

[فهد نفيع البدراني]

يامرحبا ياصنت وأبشر بعلم السعد
علمٍ يداوي صواب العين في نونها


ان غبت عن البلد خابر خويي ولد
يعطي حقوق العرب من دون يطرونها

[صنت البدراني]

دام البقى ياهلا ياصاحبي يافهد= اعلومكم طيبه والناس يبغونها
صاحبك طيب ولكن عن دوامه رقد=ليتك براس العمل حتى تمشونها

[فهد نفيع البدراني]

احسنت أنا بشكرك يا الطالب المجتهد
السالفة سالفة عرفت مضمونها


يامصعب الحبل لا كثرت عليه العقد
انشد هل العرف يمكن لك يحلونها

[صنت البدراني]

انا مدرس وادرس مادرست من احد= علامي ارفعك وانته صرت من دونها
مضاق صدري وفعلي ماشكيت الكبد= والحاجه اللي تكيد الناس ياهونها

[فهد نفيع البدراني]

الطالب اللي بيطلب علم ومن المهد
الى اللحد ، كلمةٍ معروف مكنونها


وراك تزعل ترى محدٍ لفعلك جحد
سيفك حديد ويقص الروس بمتونها

[صنت البدراني]

كم طالبٍ من دروس المعرفه ماحمد= كلمه مفيده ياليت البدو يقرونها
ماني بزعلان لي حسبه واحسب العدد= من دون ربعي فعولي لاتعدونها

[عبدالمطلوب مبارك البدراني]

صحت السنتكم

فهد
وراك تزعل ترى محدٍ لفعلك جحد
سيفك حديد ويقص الروس بمتونها

صنت



ماني بزعلان لي حسبه واحسب العدد
مــــــن دون ربـــعـــي فــعــولــي لاتـعـدونــهــا

[عبدالله منور البدراني]

الشاعرين صنت البدراني وفهد نفيع البدراني
صحت السنتكم
شعراء مميزين ومدعين لاعدمناكم

[فهد نفيع البدراني]

دنياك فيها عبر من جد فيها وجد
لا ونها نوب يمكن يختلف لونها


واللي زرع زرع في وقت الحصاد يحصد
ناسٍ تريد الغناه بوسط ماعونها

[صنت البدراني]

قبل انتوادع نبي نلزمك تعطي وعد= غيبتك في ما مضا حذرى تعودونها
قضيت انا لازمي والربع مثلي بعد= نبي نرجع بضايعنا بكرتونها
صح اللسانك يابو نفيع شاعر جزل تشرفت باللعب معك وسامحنا على القصور

نشكر الاستاذ الشاعر عبدالمطلوب مبارك والاخ مشاري والاخ عبدالله منور وجميع من تابعنا وشجعنا

وتصبحون على خير

[فهد نفيع البدراني]

اقول ابوعدك بس الوعد يبقى عهد
ليا نقص كيلنا زيدوا وتوفونها


ماني من اللي ليا جات اللوازم قعد
لكن ظروف الحياة تصيد بسنونها


يعطيك العافية ياابو طارق
وصح لسانك
وافي وما حصل قصور
اشكرك واشكر جميع المتابعين
وان شاء الله اكون متواجد

[محمد بن جعيثن]

بسم الله الرحمن الرحيم

الشاعر صنت
والشاعر فهد

هامتان كبار فى سماء الشعر


كفيتو ووفيتو بارك الله لكما وبكما

لكم الود

[ضيف اللة عوض البدراني]

صح لسان
الشاعر/صنت البدراني
الشاعر/فهد البدراني

بيض الله وجيهكم
تحياتي لكم......

[الحرير]

صحت لسنتكم محاوره قمه