ماجينا من فراغ

[صوت نجد]

السلام عليكم ورحمة الله وبركاته


مساء الخير بالجميع

بسم الله الرحمن لوجينا ماجينا من فراغ= لوكان بعض الناس ماهي لشعر متفرغه

اشوف عبدالله تشيك بالعقال وبـــشماغ = والمشكله مايعرف اسعار العقل ولاشمغه

[عبدالله منور البدراني]

امسي على الجميع باالخيرواهلا وسهلا يابن جايز

واستلم

حياء الله اللي كل مانمسك له المرصاد راغ=مدري يبي له قرص اذن ولا يباله دغدغه
ياشعيل يااللي بعد ما ترغي تمرغ باالمراغ= جنبك بعد بانت به الانياب منا مرغه

[صوت نجد]

خلوهاهاهاهاهاهاها


قلـبك ياعبــدالله بدون امجامله فـــيه انفــداغ = خابرك ماتمشي ياغير ابدغدغه يالافدغه

اشعيل يامالل العمى شال الحمل صاحي دماغ= وانتم عرب تقول مافيكم قلــوب ولاادمــغه

[عبدالله منور البدراني]

خلوها خلوها

لاوالله الا كبرت الدعوى بعد جانا البلاغ=ياالجاني اللي ماتكلم لاانقليز ولالغه

احد رسا مثل الجبل واحدمع اللي زاغ زاغ=هلحين قلي وش تبي باالضبط ياحجي اغه

[صوت نجد]

خلوهاهاهاهاهاهاها


ماكل كلمه ياولد في غير معناها تصاغ = انــته علامــك مختــلف صايــبك جن وزغزغه

دامك شربت امن السعن حليب ماوصطه دباغ = الي سواتك لاشربه ماهوا ضروري يدبغه

[صنت البدراني]

ياسلام على الابداع صحة الروس تسلمون على هذا الطاروق الكايف لكم تحياتي

[عبدالمطلوب مبارك البدراني]

أحمد جهيم وعبدالله منور صحت السنتكم
طاروق رائع
دمتم بحفظ الرحمن

[الحرير]

صح الله لسنتكم

لكن عاد شوفوا ممنوع الرفس القوي خلوها قرص بسيط

[صوت نجد]

اخواني الغالين اشكركم على متابعة المحاوره والذي حلاها متابعتكم لنا
اشكركم جزيل الشكر للأخوان صنت و عبدالمطلوب والحرير



ولكم مني الود والاحترام

[الشاعر بدر راشد]

الشاعر احمد بن جهيم البدراني

الشاعر عبد الله منور البدراني

صحت السنتكم جميعا ابدعتم رغم صعوبة القافيه بيض الله وجيهكم


شعار واراهن عليكم وفتخر فيكم ياشباب واتمنا لكم التوفيق





الشاعربدرالبدراني

[ضيف اللة عوض البدراني]

صح لسان الشاعر : عبد الله منور البدراني
صح لسان الشاعر : احمد بن جهيم البدراني
تحياتي لكم جميعن ....

[صوت نجد]

استاذي بدر راشد اشكرك جزيل الشكر على المتابعه
انت الفخر وانت الحزام الي يشد ابه الضهر

لك الود

[صوت نجد]

اخوي ضيف الله لنا الفخر في متابعتك اشكر جزيل الشكر
لك الود