مشاهدة النسخة كاملة : نادو الشايب
عبدالله منور البدراني
03-06-2012, 11:03 PM
خلوها
ياسلامي على اللي يشربون المصايب-----يشربون المصايب مثل شرب القهاوي
نادوالشايب اللي شاف كل الغرايب-----ودي ابحث مع الشايب جميع الدعاوي
الشاعر بدر راشد
03-06-2012, 11:53 PM
خلو----------------------------------------------ها
بالنبايه عن الحكام عوق الحرايب=اهل حدب السيوف ومحتمين العزاوي
انت راع الغرايب ونت ونت راع العجايب= كان عندك علومن جيبها لاتراوي
الشاعربدرالبدراني
عبدالله منور البدراني
04-06-2012, 12:30 AM
خلوها
كفو ياالشايب اللي هبهبتك الهبايب-----لا هقينا بك الهقوه تعدى الهقاوي
لو نجاملك قمت تقول ويش السبايب-----وان بحثناك يا كاف البلا والبلاوي
عبدالمطلوب مبارك البدراني
04-06-2012, 01:20 AM
عبدالله منور
ياسلامي على اللي يشربون المصايب-----يشربون المصايب مثل شرب القهاوي
بدر راشد
بالنبايه عن الحكام عوق الحرايب=اهل حدب السيوف ومحتمين العزاوي
صحت السنتكم وبيض الله وجوهكم
لكم فائق احترامي
الشاعر بدر راشد
04-06-2012, 07:29 AM
استاذي عبدالمطلوب البدراني
لاعدمنا وجودك يابو ناصر
استلم يابو------------------------------------------------------زياد
انت عاقبت خالك يالبناخي عقايب= تحت راسك نويا قول ويش انت ناوي نا [/s
اول العلم مخطي مخطي واخر العلم صايب=الهدف راس ذاره يابعيد الهقاوي
الشاعربدرالبدراني
عبدالله منور البدراني
04-06-2012, 03:55 PM
خلوها
انت لو ماتشاغب ماتصلك الطلايب-----مير هزيت راسك مع شريط الحساوي
فارس الجيل الاول يوم حث الركايب -----ايتمنى الرجوع ولا تفيد المناوي
الشاعر بدر راشد
04-06-2012, 09:30 PM
خل--------------------------------------وها
ماش حبت خشوم ماش مزحة حبايب=راجع الاطلسي وحفظ حساب الخلاوي
حط على قبر جدك ثلاثه نصايب= وركز اوزان قبه صلبه عود جاوي
الشاعربدرالبدراني
عبدالله منور البدراني
05-06-2012, 05:40 PM
خلوها
تكبر المشكله ويحلها رجل شايب -----والبلا باالسعيد اللي يحسد الشقاوي
جعل قبر الشجيع تهل فوقه سحايب-----وانت عودن تهول لاحديت الحداوي
الشاعر بدر راشد
05-06-2012, 11:13 PM
[SIZE="5"][COLOR="Blue"]خلو-----------------------------------------------ها
وين هالعارفه مطفى اهيب الاهايب= يوم شبت مبين الخيبري والعلاوي
والله اني عن التحريض والحث تايب=ولابي الهرج مابين البدو والشواوي
الشاعربدرالبدراني
عبدالله منور البدراني
06-06-2012, 01:12 AM
خلوها
بعد طال الجدال وفارع الشر غايب-----وش حلال الفقير مع حلال الغناوي
تقفل الباب وتصكه من اجل القرايب-----وتقسم الاكل ليتام العرب باالتساوي
الشاعر بدر راشد
06-06-2012, 05:47 AM
خلو---------------------------------------------ها
انت حاشرك اخو ملره لعين الصلايب= عدك اطيح لاكن طيح ونت امتساوي
تحسبنك تجي وتحصل المال سايب=دون حم الذرا ذبحت بخيت العطاوي
الشاعربدرالبدراني
عبدالله منور البدراني
06-06-2012, 06:46 PM
خلوها
العن ابليس واترك ما يجيب الحضايب-----ان وقفنا على الطيه بحبل ن رهاوي
واقف ن في سلاحك واحمر الدم رايب-----مانذمك سنافي من خيار النشاوي
ضيف اللة عوض البدراني
07-06-2012, 05:27 PM
عبد الله بن منور البدراني - بدر بن راشد البدراني صحت السنتكم
تحياتي لكم ايها الابطال ................
الشاعر بدر راشد
13-06-2012, 09:54 AM
خلو-------------------------------------------------------------------ها
جعل وبل الحيا يسقي اجبال وجذايب=وكل وادي يجي باملاه سيله نحاوي
من جبل عاج لافرقين لم الزرايب = ثم الاشماط وقصيره وهاك الحراوي
الشاعربدرالبدراني
عبدالله منور البدراني
14-06-2012, 02:33 AM
الشاعرالكبير بدر راشد البدراني
صح لسانك وبيض الله وجهك ياابو خالد الله يعطيك العافيه والمعذره على القصور
لك التقدير والاحترام
الشاعر بدر راشد
14-06-2012, 03:21 PM
ابني الشاعر عبد الله منور البدراني
صح السانك وصح بدنك يابو زياد القصور
ابعيد عنك ولاتجي منك قصور يالغالي
الله يحفظك وللك مني الشكر والعرفان
الشاعربدرالبدراني
vBulletin® v3.7.1, Copyright ©2000-2024, TranZ by Almuhajir