المساعد الشخصي الرقمي

مشاهدة النسخة كاملة : استبشري يا دار في عهــــد سلمان


عبدالمطلوب مبارك البدراني
27-06-2012, 12:25 AM
السلام عليكم ورحمة الله وبركاته

اختيار خادم الحرمين الملك عبدالله بن عبد العزيز ال سعود لولاية العهد سمو الامير سلمان بن عبدالعزيز خلفاً لسمو الامير نايف بن عبدالعزيز يرحمه الله تعالى ويسكنه فسيح جناته اختيار موفق سلمان الرجل المناسب في المكان المناسب سلمان كان اميراً للرياض يعرفه القاصي والداني بمواقف الوفاء وقد سطر اروع ما في الوفاء بملازمته لأخيه سلطان بن عبد العزيز ال سعود رحمه الله طيلة فترة علاجه ورجل سياسة من الطراز الاول وقد رافق ملوك المملكة ولديه الخبرة والدراية بمجريات الامور في الداخل والخارج وقد هاضت القريحة بهذه الابيات امل ان تجد طريقها للنشر ولكم تقديري واحترامي


استبشري يا دار في عهــــد سلمان=
ولي عهـــد المملكة بعــد نايـــــــف
إن غاب نجم النجم الاخر لنا بــان=
يرسي كما ترسي الجبال النوايــف
نايف حمى للــــدار من كل خــوان=
ستــر البني الماجــــدات العفايــف
للمجد والرفــعة وللعـــــز عنـــوان=
وملجا لمن صابه من الوقت حايف
يا الله عسى له جنة الخلد مسكان=
ويجبر عزا اللي ساكبين الذرايف
واليوم نسعد في سلايـــــل كحيلان=
ابن الزعيم اللي ما جالـه وصـايف
عبدالعزيز اللي جعـــل دارنا امــان=
ننعم بأمــــان وعز والكـــل شايــف
وحد قبايلـــها على الحـــــق عــوان=
ساوى ما بين الناس كل الخـــلا يف
وسلمان فــ اللازم كما الصقر شيهان=
حــرٍ وميقاعه برجــم مهــــايــــــف
زيزوم حـــلال الصعيبـــة بليهــــان=
يشتال حمــله ما يحسب الكلايـــــف
يا حر يا ابن أحرار يا طير حوران=
صيده سمين ولا يصيــد الضعايــف
المملكة بامـــان واعـــــز الاوطــان=
والبيت يامن فيه راكع وطايـــــــف
وصلوا على محمد عدد وبل الامزان=
عــد الحجيج وعد كتـــــب وصحايف

الحرير
27-06-2012, 12:58 AM
قلت واجزلت ومن عوايدك الجزاله يابو ناصر

صح الله لسانك وسلمان يستاهل

ضيف اللة عوض البدراني
27-06-2012, 02:32 AM
صح لسانك يا بو ناصر ويعطيك الف عافيه وهذي عوايدك والله لايهينك
تحياتي لشخصك الكريم

مشاري البدراني
27-06-2012, 05:53 AM
صح لسانك اخوي ابوناصر وبيض الله وجهك قصيده جزله

علي زيد
27-06-2012, 10:43 AM
استبشري يادار في عهد سلمان ===ولي عهد المملكه بعد نايف
صح لسانك يابو ناصر دايم متميز

عادل البدراني
27-06-2012, 12:42 PM
الشاعر / ابوناصر

صح لسانك وعلا شانك على القصيدة الجزلة والثمينة والقيمة وكلها احساس من
شاعر مبدع وصاحب قلم مميز والله يعطيك العافيه على هذي الشامخة وهذه الكلمات الجميله

ودمت بالف خير,,,

غانم البدراني
27-06-2012, 10:42 PM
صح لسانك واعتلاء شانك يابو ناصر ويستاهل ولي العهد سلمان

عبدالمطلوب مبارك البدراني
30-06-2012, 09:59 PM
قلت واجزلت ومن عوايدك الجزاله يابو ناصر

صح الله لسانك وسلمان يستاهل

الاخ الغالي الحرير
سعدت جدا بمروركالكريم
لك تحيتي وتقديري

ابن شباط
30-06-2012, 11:43 PM
صح لسانك يابو ناصر

عبدالمطلوب مبارك البدراني
16-07-2012, 01:03 AM
صح لسانك يا بو ناصر ويعطيك الف عافيه وهذي عوايدك والله لايهينك
تحياتي لشخصك الكريم


الاخ الغالي ضيف الله عوض البدراني
سعدت بمرورك

لك فائق التحية والتقدير

فهد نفيع البدراني
17-07-2012, 01:55 AM
صح لسانك يا ابو ناصر
وبيض الله وجهك
قصيدة جزلة

عبدالمطلوب مبارك البدراني
17-07-2012, 02:12 PM
الاخ الغالي / مشاري البدراني

اسعدني مرورك العطر

لك فائق التحية والتقدير

عبدالمطلوب مبارك البدراني
18-07-2012, 12:30 PM
الاخ الغالي / علي زيد

صح بدنك ويعطيك العافية على مرور

لك فائق احترامي

عبدالمطلوب مبارك البدراني
23-08-2012, 08:39 AM
الاخ الغالي / عادل البدراني

صح بدنك وبيض الله وجهك على مرورك العطر

لك تحيتي وتقديري