المساعد الشخصي الرقمي

مشاهدة النسخة كاملة : عقاب. و زوجة جاره


عادل البدراني
27-08-2012, 07:14 PM
السلام عليكم ورحمة الله وبركاته



في إحدى غزوات الفارس عقاب بن سعدون العواجي اصطدم بجيش كبير من فرسان احدى القبائل يقدر عددهم بثلاث مائة فارس بينما كان تعداد رجاله ثمانون فارسا فقط ومن ضمنهم جارا له ليس من قبيلته أصر على مرافقته في الغزو فوقعت المعركة بين الطرفين وحدثت خسائر كبيرة في صفوف الجمعين ولم يستطع عقاب كسب الإبل التي جاء من أجلها غازيا الدفاع اهلها عنها فعاد هو ورجاله إلى قبيلتهم وعند وصولهم اعترضته زوجة جاره تسأله عن زوجها الذي خرج معه ضمن الفرسان المرافقين له حيث قالت:


يا عقاب يا حبس الضعن باللقاء الشين=ياللي حريبك بالهزيمة يمنا

عيّنت ذيب الخيل يوم الأكاوين=نور الـعيون بغيبة الشمس عنا

هو سالم وألا رموه المعادين=يا عقاب خبرني تراي أتمنا


فرد عليها عقاب العواجى بهذه الأبيات:


يا بنت يا للي عن حليلك تساليـن=حنا لـنا حيٍ يـسالون عـنا

خمسة عشر ليلة على الوجه مقفين=ندوّر وضحٍ بالأباهر تحنا

وشفنا هل الإبل شاريبن الغلاوين=من دون رخمٍ للحوّير تحنا

جونا ثلاث مية وحنا ثمانين=مثل المحوص الشلف منهم ومنا

وبانت رديـتهن وشفنا الرديين=وكلٍ عرفنا عزوته يوم كنا

ليتك تراعي يا عذاب المزايين=يومٍ إن عيدان الـقنا يطعننا

منا حليلك طاح بين المثارين=في سهلةٍ فيها الوضيحي يتثنا

ومنهم جدعنا عند شوقك ثلاثين=وكم خيرٍ من رأس رمحي يونا

في ساعةٍ فيها تشيب الغلامين=أنطح نحور الخيل يوم أقبلنا

ياما نـقلت الدين وألحقته الدين=وحريبنا في نومته ما تهنا

أرسي لهم يا بنت وأنتى تعرفين=ليما حمام النصر رفرف وغنا

وأردها وألحق ربوعٍ مخلين=بوجيه قومٍ يـطلقون الأعنا

عاداتنا نخلي سروج المسمين=ونروي حدود مصقلاتٍ تجنا

وقلايعي من نقوة الخيل عشرين=قبٍ ولا فيهن ثبارٍ ودنا

أرسي كما فارس بني عبس راسين=وأنـا زبـون الحرد حامى وطنا

ويقال بأن عقاب أعطاها كل الخيل العشرين التي كسبها عوضا عن زوجها الذي قتل في المعركة


.

محمد بن جعيثن
28-08-2012, 04:30 AM
بسم الله الرحمن الرحيم

الاخ عادل
الايثار من خصائل الرجال الكرام

لك الود

عبدالمطلوب مبارك البدراني
28-08-2012, 05:28 AM
الاخ الغالي / عادل البدراني
سلمت على النقل الرائع والشيخ سعدون العواجي
وابناءه لهم قصص تدل على الشجاعه والايثار

بارك الله فيك

مشاري البدراني
29-08-2012, 02:07 AM
بيض الله وجهك اخوي عادل على هذا النقل الرائع والطيب لاهنت

ضيف اللة عوض البدراني
02-09-2012, 01:37 PM
يعطيك العافيه يا عادل البدراني والله لا يهينك تحياتي لك

عادل البدراني
05-09-2012, 03:32 AM
الاخ العزيز / ابو عبدالله

تشرفت بمرورك متصفحي والله يعطيك العافيه

دمت بحفظ الله