من يستطيع السفر معنا

[عبدالله منور البدراني]

يالالالالالالالايالالالالالالالالا
بدرب العز سيري ياقوافل
بدى القاف الحماسي وبتدينا
و بعد سارت قوافلنا مشينا
وعلى نجم السماء الايمن سرينا
بدرب العز سيري ياقوافل
من يستطيع السفرمعنا يجيب الجواز=واحجز له اوكيه معي بمقدم الطايره
اباء خوي ن محنك يحمل الا متياز====مابغاء خوي حزامه مابه الثايره

[صنت البدراني]

بدى القاف الحماسي ياعميلي
ولاح البرق في عرض المخيلي
الياهب الهواء ياغصون ميلي
بدرب العز سيري ياقوافل


ان كان تبغى السفر من نجد والا الحجاز= اظن رحلتك في جو السما حايره
بالملعبه صاحبك مثل الجبل مايراز=واليا بغيت الحقيقه كلمته صايره

[عبدالله منور البدراني]

بدرب العز سيري ياقوافل
على النوماس والطيب اجتمعنا
وعلى مايرضي الناس اتفقنا
تفضل ياصنت وانظم معنا
بدرب العز سيري ياقوافل
شدالمباني وثبتها باالارض العزاز=خويي اليوم ولا اترك للدايره
انجنب الحذف لامنا حذفنا القزاز==ونحكم العقل لو ادمينا فايره

[صنت البدراني]

بدرب العز سيري ياقوافل

على العز الوراثي هذا طبعي

ولي فعلاً يسجل فعل سبعي

وخلك ياابن منور ضمن ربعي
بدرب العز سيري ياقوافل



ياللي تشد المباني لايجيها اهتزاز= خويك اللي معك مايقبل البايره

بعض السوالف تجيب الضغط والاشمزاز=كم واحدٍ نتركه لله ونسايره

[الشاعر بدر راشد]

الشاعرين القديرين الشاعر عبدالله البدراني والشاعر صنت البدراني صح الله السنتكم

متابعين لكم المحاوره ممتعه

اتمنا لكم التوفيق

[عبدالله منور البدراني]

اناء ماني مفرق بالجماعه
اهل الافعال واصحاب الشجاعه
و لا اعرف التلوي و الكاعه
بدرب العز سيري ياقوافل
اطلعك للفضاء مارجعك للغراز=====واقطع بك الاوديه ماتقرب العايره
رجلي جريه واحب اهل النفوس العزاز=يابن عوض مانجيب الجابه الخايره

[صنت البدراني]

اقوله مايجي فيك اي شكه
تجمع كل ربعك فوق دكه
وذاك الباب عني قلت صكه

بدرب العز سيري ياقوافل

يامكبر الفرق بين الصائبه والمجاز=ياللي طلعت الفضاء لاتقطع الوايره

والنعم ياصاحبي كلك فخر واعتزاز=وافي تحب الوفاء ماتقني النايره

[صنت البدراني]

صح بدنك يابوخالد متابعتك لنا شرف تقبل تحياتي

[عبدالمطلوب مبارك البدراني]

الشاعرين عبدالله منور البدراني وصنت عوض البدراني

صح لسانيكما مبدعين استمتعت بالمحاورة الرائعة

ومتابعين لكم وفقكم الله

للجميع التحية والتقدير

[عبدالله منور البدراني]

شباب المنتدى قام يتجدد
ومن يبغا يشارك لايتردد
ترى الفرصه لها وقت محدد
بدرب العز سيري ياقوافل
صنت بعد مااختبرته باالسولات فاز=واليوم تنصاه كل البيض مااعيره
عطيته الاوله والثانيه باالجهاز====و الثالثه لاتجيه الحمله الجايره

[عبدالله منور البدراني]

الشاعر بدر راشد ولاستاذ عبدالمطلوب مبارك

صحت ابدانكم تشرفنا بمروركم لكم جزيل الشكر

[صنت البدراني]

شباب المنتدي واعي وفاهم
بعلم ٍ ما يجيده ما يساهم
وكل اللي يبونه من فداهم

بدرب العز سيري. يا قوافل



صنت معلم على كل البطولات حاز=ماهو من اللي علومه جأت متغايرة
يا راعي الثالثة ما عندنا اي أنحياز=الطيب اللي سواتك بالوفا زايره

[عبدالله منور البدراني]

صنت واعي ويفهم مانقوله
وجاب العلم في عرضه وطوله
على ماقال ياالله صفقو له
بدرب العز سيري ياقوافل
ياجب عليك الحذر والصبر والاحتراز=اسرع بمشي القدم يوم انها سايره
تصبح على خير يااللي هيبتك ماتهاز==من اول الليل سولفنا يلين اخره

[صنت البدراني]

تصبح علي خير يالغالي وصح اللسانك تحياتي لك