يانجد جعل مروح المزن يسقيك ..

[بـروق الأبـرق]

أشتقت لك يانجد واعجبت أنا فيك ... نجد التقدم والرخاء والحضارة

إن جيت مدنك شوقتني مبانيك ... وإن جيت برك يانسيم السحابة

لايابعــد لنـدن وتركـيا ومـن فيك ... لا يابــعــد دار الـرداء والكــآبــه

جيتك على الفكسار والليل ممسيك... ماهمني طول الطريق وعذابه

يانجد جعل مروح المزن يسقيك ... ســيليتن شـالت عــلاوي تـرابــه

إن ضاق صدري سجتي يم واديك ... واد الرمه كلن من اسمة درابه

تراك وادي حرب ياجاهلن فيك ... مفتكتة يــوم الجــهـل والــحـرابــه

فرسانها تمشي على كل اراضيك ... خيالــه العليــا حمــاة الجهامه

وشيوخهم ماتنزل الا بعاليك ... ومــن الكــرم حطــو بنجـدن عــلامة

علامتن ما تمّحي ثابته فيك ...ماتنمـحي حـتـى تـقـوم الـقيـامــة

وصلاة ربي عد نجمن سطع فيك ... على نـبيـن قـادنـا للسـلامـة

كلمات : بروق الابرق

[عبدالمطلوب مبارك البدراني]

قصيدة جزلة من شاعر جزل

لك فائق التحية والتقدير

[ضيف اللة عوض البدراني]

صح لسانك تحياتي لك...

[سلطان ابن سحمان]

صح لسانك على هذه القصيده الرائعه