المساعد الشخصي الرقمي

مشاهدة النسخة كاملة : نعم ترى وادي الفرع عندي جنيف


عبدالمطلوب مبارك البدراني
01-06-2013, 09:49 AM
بسم الله الرحمن الرحيم
تضجر احد الإخوة من كثرة ما اكتبه عن
محافظة وادي الفرع عبر التوتير حيث قال بأنني أزعجته بمحافظة وادي الفرع
وكأنه جنيف وكان هذا الرد بهذه القصيدة أمل أن تروق لذائقتكم :


نعم ترى وادي الفرع عندي جنيف = لو الله اطيب من جنيف وبلدها
دار لاهلها ماتجي لي على الكيف = ولا لي بها حاجة ولا بغى سعدها
كم واحدٍ منها طوى رشاه ومعيف=عــوّد بعـــد عـــاف الحياة ونكـدها
بعض الخلائق كلّف النفس تكليف= للغرب لـــــكن ألزراعه حصـدها
ويش فيه عند الغرب غير التخاريف=خمر ودعارة وكل عله تجـــــدها
حرية يطرونها كلها زيــــــف =ومن له صديقه جاء وأخـــــذها بيدها
ويش بعد هذا ياصديقي من الحيف =لا والله الا قوم ربك قردهــــــــا
وشيء يشاف وشيء بالعين ماشيف=هذا ظهر واللي خفا أمر وأدهــا
أهل الفرع أهل القلوب المواليف=اللي تكّرم كل حــــــيٍ قصدهـــا
أهل وفاء وتقدر الجار والضيف= ومواقف ما أحدٍ بيحصي عددهــا
وفيه الرجال اللي ماتحتاج تعريف=في ماضي الايام واللي بعدهــــا
يثنون فاللازم رجال المواقيف= عدوهم عينـه يجيهــا رمـــــدهـــا
شجعان بالميدان ورجال عريف=إن صعبت القالات حلـــو عقدهــا
وإن جاء نهار فيه عج وعواصيف=فيه الصقور اللي عطيب هددها
بالبندق وبالرمح والسهم والسيف= ياكم غنوج تصيح فقدت ولدهـــا
ربعي بني عمر الرجال الصواريف=قوم هل الطالات ما أحدٍ نقدهـــا
بذكر نويشي فوق روس المشاريف= عقب اربعة واثنين يمناً جردها
دون الخوي ماهو كلام وتصريف= من دونه حياض المنايا وردهـــا
وحجرف وغيره من رجال المعاريف=يدينهم مثل السحابة مددهـــا
قول ثبات ولا نجيب السواليف= اللي تردد مـــا أحدٍ يعتمد هـــــا
واليوم يعجز من يجيب التواصيف=من بعد ابو تركي مثبت عمدها
عبدالعزيز اللي كما ضلعٍ منيف=نفوس يفرحها والاخرى لهدها
اللي ظفى حكمه من السيف للسيف=حكومةٍ حكمْ الشريعة سندها
وبعده ملوك ما حسبوا للتكاليف =مع امة الاسلام وفت وعدهـــا
يالله يامنشي السحاب المراديف= اللي تزايد وبلها مع رعدهـــا
تحفظ ملكنا من جميع الصواديف=واهل الحسد ربي يبدد حسدها



الشاعر / عبدا لمطلوب مبارك البد راني / وادي الفرع

تركي حمود البدراني
01-06-2013, 12:40 PM
من اين ابدا ومن اين انتهي بالتعقيب على هذه القصيده الاكثر من رائعه

ترابط

تسلسل

عذوبة مغنى ومعنى

مناسبه

لكن لا املك الا ان اقول بيض الله وجهك يابو ناصر على هذا الابداع الغير مستغرب على شاعر بحجم

عبدالمطلوب واعلامي فذ نفخر به جميعاً

اخوك / حمود ناصر البدراني

بن عابد
07-07-2013, 09:54 AM
ابو ناصر صح لسانك وسلم بنانك
قصيدة جزلة

عبدالمطلوب مبارك البدراني
18-11-2013, 08:51 PM
الاخ / حمود بن ناصر البدراني

سعدت جدا بمرورك العطر وكلماتك الرائعة

لك فائق التحية والتقدير