منتديات البدارين

منتديات البدارين (http://www.albdarain.com/index.php)
-   ديوان عبدالله مناور البدراني (http://www.albdarain.com/forumdisplay.php?f=97)
-   -   ( حـــب الـــبداوة )شعر/ ضيف الله البدراني (http://www.albdarain.com/showthread.php?t=4056)

عبدالله مناور البدراني 14-03-2008 06:49 PM

( حـــب الـــبداوة )شعر/ ضيف الله البدراني
 
(حب البداوة )

ماني من اللي غيرته الحضارة = باقـي عـلى حـب البداوة إلى الحين
بيت الشعر عندي يساوي عمارة =والخيل محلاها ومحلا البعـارين
والبـر مـحـلاه بمسـاه ونـهـاره = ترتاح له نفسي وتفرح به العين
لا ضيّقت صدري هموم وكداره = أرحل على ديرة هـلـي الـبـداوين
ألقى الوناسة عندهم والإثـارة = ريح الخزامى والنفل والرياحـيـن
والصيد لا هدوا عليه الصقارة =مابين وكري وطير حر ٍ وشاهـيـن
أنا بـدوي والـجود أ ول شعاره =والثانية عندي مبـادئ وقـوانين
أحب من يوفي صديقة وجارة= وأحب من يمشي على منهج الدين
ربعي وناسي كلهم في الصدارة =كـل الـعـلـوم الـغانـمـة لـلـبـداريـن
وعندي عليها إثبات ماهي كبارة =أهل العقول الراجحة والموازين
أهل الوفاء والمرجلة والوقاره =ربعي بني بدران في العسر واللين
لا لاح برق الحرب واقدح شرارة =نصمد كما تصمد شموخ الضلاعين
حنـا لـنا البارود فــن ومـهـارة = وتبقى قـبايل حـرب سـم المعادين
النصر من عاداتهم والجسارة =فـرسـان لا حـان الوغى في الميادين
يا كم لنا في الحرب غارة وغارة =تاريـخنـا يشـهـد علينا من سـنـين
وكل القبايل فيها مجد وظفارة = كـل الـقـبـايل فيها ناس ٍ شـجـيعين
ومدح الحمايل عز ماهو خسارة = كـل الـقـبايل عـنـدنـا قـدرهـا زيـن
واختم بيوت الشعر باول عبارة =باقي على حب البداوة إلى الحين
شعر / ضيف الله مناور البدراني (أبووليد)

بنر دعائي 14-03-2008 06:51 PM


http://www.up4vip.com/up/uploads/0f8da85dbf.gif
لسرعة التسجيل وتفعيل العضويه

1ـ التسجيل باسم لائق ويفضل الاسم الصريح
(يلزمك التاكد من كتابة بريدك الالكترني )
2 ـ تنشيط العضويه من بريدك الالكتروني
(في بعض الاحيان تجد رسالة المنتدى في الجنك ميل )
3ـ الاتصال بالرقم

0557011908

لاعطاء المعلومات والتي ستبقى سريه لن يتم الافصاح عنها

الشــــــامـــخ 14-03-2008 07:11 PM

صح لساااااااااااااانك اخوي ضيف ,,

وبيض الله وجهك وماقصررررت يابو وليد ,,

مافيك حيله ..

مشكوووووور ,,

تحيــــاتي لك ...

طير السلام 14-03-2008 08:40 PM

أخي ضيف الله

صح لسانك

تقبل تحياتي ،،،،،

عبدالمطلوب مبارك البدراني 14-03-2008 10:20 PM

بيت الشعر عندي يساوي عمارة =والخيل محلاها ومحلا البعـارين
والبـر مـحـلاه بمسـاه ونـهـاره =ترتاح له نفسي وتفرح به العين


صح لسانك وارتفع شانك

قصيد ة جزلة

لك الود


الساعة الآن 02:58 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM