صدق المشاعر
=( صدق المشاعر ) صدق المشاعر قلتها دون تمليح = انك حبيب الروح ونـك مـناهـا حبك دخل فالقلب من دون تصريح = يا مرحبا بالـلي ملـكني غلاها لكن جزيت الحب بطعون وتجريح = وش لك على روحي تزوّد عناها سحرتني بعيون دعج (ن) مذابيح = ويلاه من سحر العيون وبلاها مبلي بحبك ما بقا غير أنا اصـيح = واقول يا عالم ذبحني هـواهــا اللي خذت قلبي وطارت مع الريح = ما تدري اني رحت كلــّي معاها تعال أوضح لك أنا العلم توضيح = تعال شوف الحال واجبر عزاها أقوم وامشي وانحني وارجع أطيح = لا لاح برق (ن) قلت هذا سناها لو تجتمع كل البنات الممــالــيـح = ما فيه من هي توصل لمستواها مالي بحب إنسان غيره مصاليح = ينساني اللــه كان قـلبي نسـاهـا = شعر / ضيف الله البدراني (أبووليد) |
ابو وليد
صح لسانك وعلا شانك دمت بخير |
الاخ ابو وليد
صح لسانك وعلا شانك لك الود |
الأخوين القديرين أبو ناصر أبو عبد الله شاكر على مروركما تقبلا تحياتي أبووليد ،، |
الاخ \ ابو وليد
صح لسانك ننتظر الجديد تحياتي |
الساعة الآن 05:36 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM