بديت باســـــم اللي عليم بالغيـــــــوب = اللي علم دق الامــــــور وجلهـــا
الواحـــــد الرزاق ومدير الهبـــــــوب = يرسل مزون الغيث ثم يهلهــــــــا
على الديار الممحلة مزنــــه يـــــذوب = والارض تخضر بعــد ما ينزل لها
يا لله سألتك وانت غفـــــار الذنــــوب = غفار لذنوب الخــــــلائق كلهــــــا
انك تســــاعد كان كبــــرن الخطـوب = واهل الردى يا ربي انـــــك ذلهــــا
اليوم حضر الشعرجاء من كل صوب = من اجل الرجال اللي ينومس دلها
ما دام به ميقاف لرجال الحـــــــروب = ربع صعيبات الامـــــــــورتحلهــا
والله لقول الشعر والهبــــــــها لهوب = واهل الوفاء والطيب يا انا فدا لهـــا
ذيك السنين اللــــي بهـــا برد وشوب = وقبائـــل تهــــلك ..ما تؤخذ بلهــــأ
يوم القبائل بينها طــــــــق الكعـــوب = وقــــوم تسببها وقـــــــوم تفلـــــــها
ميقاف حرب يبين ليا شبت شبـــوب = وكل جرد بيض السيوف وسلهـــــــا
غرب وشرق وبالشمال وبالجنــوب = حرب الشجاعة والكرم طبع لهـــــــا
يشهد على قولي نظيفين القلـــــــوب = واهـــــل الحسد والحقد تبقى بغلــهـــا
منور وقف وفي وقفته سداد نــــــــوب = ومن طيبه نفوس البشر يحتــــــــلهــــا
من ساس شجعان لهم فول محسوب = والطيـــــبه ما كل نـــاس تد لــــــهـــا
الشعر عنده بحر ما ينضب نضوب = ونفوس يفرحهــــــأ والاخرى يعــــلها