يا ناس والله مصيبه واكبـر مصيـبه=عشرين مليون فـي منديـل مصريـه
وش به (0000) لا سمعـه ولا هيبـه=علمه ردي نعنبو اللي هـو سلوقيـه
هذا نذل والـردى والخبـث يحريبـه=هذا حرامـي مـن النـاس الحراميـه
وشلون مال الله اللـي جـاه يفعيبـه=في شي يخجل يجيب الرجـل طاريـه
اخذوا فلوسه ولا تلقـون فـي جيبـه=لا عشرة اريـل ولا خمسـه ولا ميـه
ثم اسحبوا منه كـل اللـي يماريبـه=اكبر خطأ انه يخلـى فـي السعوديـه
هذا وجوده خساره ويش نبغـي بـه=معـدوم شيمـه ولا عنـده شهاميـه
( عساه يقفى عجوزٍ بيّنـت عيبـه )=ما فيه خوفٍ مـن الله خـارب النيـه
لو جاه مسكيـن مـا وفـى مطاليبـه=ما يلتفـت فيـه لـو انـه ابناخيـه
عشرين مليون لأجل الهون والخيبـه=شـيٍ يحّيـر عقـول العالـم الحيـه
لو أنهـا فـي سبيـل الله يـا طيبـه=مير انها في سبيـل ابليـس معنيـه
يا علنـا مـا نعاقـب مـن تسابيبـه=يصيبنـا شـر وإلا حـاجـةٍ سـيّـه
لازم يـودب عشـان يصيـر توديبـه=عبرة لـناسٍ لاهـي هـذي ولا ذيـه
ناسٍ تمسكن وفيهـا الشـك والريبـه=(( في وقت الازمه لهم قصه حقيقيه ))
حنا جنود الوطـن نحمـي جوانيبـه=من كل طامع أليا مـن ثـارت الهيـه
هـذي بـلاد الوطـن والعـز الهيبـه=هـذا وطنـا ولا مثـلـه ولا زيّــه
عاشوا به اجدادنـا وايامهـا صعيبـه=مـا دوروا غيـره بـلادٍ ولا نحـيـه
ما قالوا القيض حاميـة(ن) لواهيبـه=( يا ما حلا الظل والمجلاس والفيـه )
يالله ياللـي تسـوق الخيـر وتجيبـه=يا مالك الملـك يـا عالـم بمـا فيّـه
عفوك ورحمتك والتوفيق نمشـي بـه=في كل ساعه وفي الروحات والجيـه

في وقت الازمة نحت عنا مناديبه=وحوّل رصيده معه برا السعودية