الهاجس اللي يعتريني تراديد= جاب الهجوس الثانيه ثم حشدها
كنّه يهدّدني مع الوقت تهديد= والاّ يحذّرني من اللي بعدها
اثر الليالي مخلفات المواعيد= شيّ(ن) تشوفه شوف والخافي ادها
ياغصن لاتشره على ام العناقيد= انت أنكري وشلون تسبق ولدها
اشره على اللي حطك بصحصح البيد= لاانته بتربتها ولاانت ببلدها
لازم تحدّد بالهويّات تحديد= ومخالف الثنتين يلقى نكدها
ماكل يوم(ن) للصبايا يجي عيد= كلمة حكيم(ن) قالها واعتمدها
صارت عزاوي والوعد خطة الميد= والخيل شرهتها على حذف يدها
ماللخوي عن ماقف الطيب تحييد= والاّ العذار اليا بغاها وجدها
ومالي ومال مكارشة زيد وعبيد= اثنين ضرب اثنين مااعرف عددها
والكلمه اللي تقطع الخط والسيد= ماهوب انا اللي لاسمعها رصدها
من دونها ناس(ن) سواة الملابيد= تخمر عليها لين تقضب سندها
لولا المطر ماربّعن الجراهيد= ولاقام زرّاع الزروع وحصدها
ولولا القمر كان الليالي سراميد=نعمه 0 وكم من ساري(ن) ماحمدها
ماتقبل الحقران هو والتصاديد= الاّ نفوس(ن) غاب عنها رشدها
يامن خبر مزنه عليها شواهيد= من قبل بارقها تجيك برعدها
تنقص مع علوم الطواريش وتزيد= والناس تسعى في كنفها جهدها
ان ساعفت 0 جدّدت الآمال تجديد= وان عاضبت 0 روحي وانا اللي قردها

ماللخوي عن ماقف الطيب تحييد= والاّ العذار اليا بغاها وجدها

المشاركة الأصلية كتبت بواسطة ضعيان بن طفيح (المشاركة 35773) ماللخوي عن ماقف الطيب تحييد= والاّ العذار اليا بغاها وجدها الله؛؛؛الله؛؛؛الله الاخ العزيز:مشاري البدراني؛؛؛شكرا للنقل الرائع وصح لسان الشاعر:مشعل عوض العتيبي... @ سلمت ودمت @

المشاركة الأصلية كتبت بواسطة بن مرزوق (المشاركة 35793) ماللخوي عن ماقـف الطيـب تحييـد والاّ العـذار اليـا بغاهـا وجـدهـا ومالي ومال مكارشـة زيـد وعبيـد اثنين ضرب اثنين مااعـرف عددهـا والكلمه اللـي تقطـع الخـط والسيـد ماهوب انا اللـي لاسمعهـا رصدهـا الاخ مشاري صح لسانك ولسان مشعل عوض العتيبي دائمً رائع في نقلك واختيار موفق تحياااااااااااااتي