الطيب يجبرني على درب الأجواد=عاداتنا اللي من زمان الصحابه
ذاك الزمان اللي علا فيه الأجداد=مجدن رقوا به فوق عالي سحابة
أمجادهم تبقى على روس الأشهاد=تاريخنا اللي دونت في كتابه
ماني على درب العذاريب منقاد=ولاني من اللي صك للناس بابه
ولاني من اللي ممتلي كره واحقاد=ولاني من اللي قاسين في عتابه
أعامل أصحابي على الملح والزاد=ولا بيع من هو زادني في حسابه
الحلم طبعي ولا حسبنا للأوغاد=عُمر الأسد مايلتفت للذبابة
ون جاتني زلة مهابيل حساد=الصد عنها .... أبلغ من الإجابة
= أبووليد ،،،