أنا على المقنـاص قلبـي يرفـي =فترة ونرجع يم اهلنـا منـا كيـف
بديـار لفـروق الحبـارى تلفـى =جنوب من حزم الجلاميد وطريـف
الطير هو غايـة غرامـي وشفـي =اقـدره تقديـر الاجـواد للضيـف
من كبر قدره حاملـه فـوق كفـي =وارعاه تسع شهور بالقيظ والصيف
ودهلـه لاشفـت ريشـه مصفـي =على الدعو واخفف النسر تخفيـف
نقلـه يشرفنـي وشوفـه يكـفـي =عن شوف ناس ما تعرف المعاريف
لاشفـت لـي نـو بروقـه ترفـي =نويت اجهـز موتـري للتكاليـف
القيـظ كلـه جالـس(ن) ومتعفـي =وبرد المكيف نشف الـدم تنشيـف
متى سمـوم القيـظ عنـا تقفـي =وسهيل قبل يعمد الفجر قد شيـف
والنـار يصلـح شبهـا للتـدفـي =والبرد نوجس من نسيمه هفاهيـف
وقمنـا لعزبتنـا نشيـل ونضفـي =ونكمل الناقص ونمـلا المطاريـف
واللي نشيل مـن اللـوازم مكفـي =ومكتفين العفـش بالحبـل تكتيـف
ويمكن اليا جينـا البقالـة نوفـي =حاجات نشريها كمالـة مصاريـف
والصبح من حـزم ابرقيـه مقفـي =صوب المعظم والهضاب المقاييـف
بديار جعل اشجارهـا مـا تجفـي =تعلهـا غـر المـزون المراديـف
في رفقة اللي نارهـم مـا تطفـي =على الشرف والجود ربع مواليـف
مجلاس طلقين الشـوارب بصفـي =على الدلال اللي بهن ساخن الكيف
خويهم مـا اوجـس كـلامٍ يحفـي =غير المزوح الطيبـة والسواليـف
عقـال وزن عقولهـم مـا يخفـي =ولاهم على الفاضي خفاف وملاقيف

واطيري اللي لأبرق الريـش جـذاب =بالقـاع وان طـارت يخيـب تعبهـا
لا شافهن في جانب الروض ما هـاب =حول على اللي نفضـت لـه غلبهـا
بالكف مـا يكفـخ وللصيـد قصـاب =كم خارمٍ منـه أقرشـت لا ضربهـا
غدى وأنا اومي له على راس مرقـاب =طلعـه ورى برقـا بعيـدٍ طلبـهـا
بيني وبينه زولـت قـور واهضـاب =هف وهفـا بـأرضٍ قليـل عربهـا
ونخيت صدقاني عريبيـن الأنسـاب =وكـلٍ تحيـزم وأستـعـد لطلبـهـا
وراحوا على الحروة يرمّون الأسبـاب =في ديـرةٍ بالقيـض تابـس اقربهـا
وجوني وعزوني عن الطير حطـاب =وأستقنعـت نفسـي وهـون غضبهـا
قالـوا لقينـا جثتـه بيـن الأطنـاب =تلعـب بـه الورعـان جملـة لعبهـا
لا جاء القدر مال الفتى عنه مجنـاب =يا مـا فجـع نـاسٍ ونـاسٍ نكبهـا
وياما خـذا طيـرٍ تدرايـه الأجنـاب =وإلا الطيور تمـوت ماحـدٍ حسبهـا
مثل ( الخريشا ) وأبن حثلين ( عقاب ) =لا طار عن بيـض المفـارع سلبهـا
يوم الفعول برمح وسيـوف وحـراب =ومشوكٍ يشظـى العظـام وعصبهـا
هاذي علومي ياعزيزيـن الأصحـاب =في طيرتي واللي جرى مـن سببهـا

يابـو فهـد قلبـي تـقـل فـيـه لـحـام =كنـه بـراس التـاج تـكـوى عـروقـه
بأسبـاب طيـرٍ مـات والنـاس صـيـام =بآخـر شهـر تسعـه طويـنـا سبـوقـه
النـادر اللـي يعـجـب العـيـن لاحــام =يـا زيـن تنجيمـه ومـا احلـى خفـوقـه
صيـروم لا حـول علـى الخـرب جـزام =وان طـار وأقفـى عـن نويـه يعـوقـه
عـزالله انـي ضـايـقٍ عـقـب غـنـام =ألحـق علـى القلـب المـولـع حـروقـه
ان ماحصـل لـي سجـةٍ مثـلـي الـعـام =آخـذ بهـا بـيـن الصقاقـيـر روقــه
لا كـان مـدري عـن مقـاديـر الأيــام =يالله عسـى حـظـي تسـاعـف وفـوقـه
انـا غرامـي شـقـة الـنـور مجـهـام =الفجـر لا أقفـى الليـل نــوره يسـوقـه
لا طـاب نـوم اللـي ليـا نــام مـاقـام =أكبـر ضحـى ياكـل غــداه وريـوقـه
يسهـر علـى البيلـوت وفنـون الأنـغـام =وكشـف البـروق اللامـعـه مايشـوقـه
مالايعـه لـكـم الصـحـاري بـالأقـدام =ولا أحفـت ذعاذيـع الهبـايـب رمـوقـه
ماهـو بمثـلـي بـيـن عــال ولــوام =مـن شـان نفسـي للصـقـاره عشـوقـه
قلبـي لشـرسـات القرانـيـس مـريـام =اللـي لهـن بيـض الـدواغـر علـوقـه
هـذا غرامـي لـو تجـي لـي بـالأولام =مالـي هـدف وش بـاع وشلـون سوقـه
اليا قطعـت ( البتـر ) وعـروق ( لـزام ) =ضاعـت همـومٍ بالضمـيـر مخنـوقـه
فـي ديـرة مابـه مــزارع ومـرسـام =بين ( الخرم ) ? ( الهوج ) ? ( شعاف لوقه )
مـع ربعـةٍ نـقـوة شغامـيـم وحـشـام =وخويـهـم يحـشـم ويعـطـى حقـوقـه
كـل ابلـجٍ يعجـب مقامـه إلــى قــام =مستـارثٍ طيـب النبـا مــن عمـوقـه
مـاهـو لـغـاويٍ ولا هــو بـشـتـام =صـدره وسيـع وزيـن الأخـلاق ذوقـه

لا دق في صدري للامثال مطـراق =القاف ما يصعـب عليّـه صعيبـه
لو كان لا عاشق ولا نيب عشـاق =ولا عاتب العاشق ولا أشمت نصيبه
عشقي ومعشوقي طويلات الأعناق =لا وقعن فـي ماقـعٍ مـا وطيبـه
برضٍ سقاها بأول الوسـم بـرّاق =بأوّل هداد الطير مخضـر شعيبـه
ما طبّها غير أبرق الريش ونيـاق =وراع الغنم مـا دب فيهـا دبيبـه
لصار معي من القرانيـس لحّـاق =طير الثلاث اللي إكفوفـه عطيبـه
جثل المناكب لبرق الريش شـلاّق =لا خيّش الخرب الخطل مـا يهيبـه
ومعنا إسنافيٍ على الطيب سبّـاق =صدره وسيع ولا يضايق صحيبـه
ما هو قصـاويٍ لغـاوي ونقّـاق =تشوف ما كمّـل نهاريـن عيبـه
أنا عشير اللي ليا ضقت ما ضـاق =الطيّب اللـي زلّتـي مـا تجيبـه