ياسامعين القول
يقول ابن بدران من ضيقة الحشاء=طرقت من زين اللحون لحون تسمعوا ياهل المثايل مثايلي =ولاخير في قول ن بلا مضمون شاعرولي بالشعر صنعه ومعرفه=معناه جوهر واللحن موزون عسى ماني غاوي بعرفي وصنعتي=وعسى جماهيري ماهم غاوون لاعلني من خصه الله برحمته=ولاني من اللي ذكروا يهيمون ياسامعين القول صلوا على النبي=وخوذوا من فنون الكلام فنون دنياك يالانسان ماهي بدايمه=فيية ضحى واهل العقل يدرون لابد من يوم ن تقفي رحايلك=وتصير من تحت اللحد مدفون وين القرون اللي من ادم وحوى=تمحى قرون وتقتفيها قرون في برزخ ن يارب عفوك ورحمتك=في ساعة الرجفه يبا يصحون وكل ن يحاسب وش حصيله ومكسبه=ناس ن تفوز وناس ن يخسرون دنياك لاتخدعك ياجاهل ن بها=انظر لها استحقار وامش بهون اقنع بما حصلت من حل عيشها=عن ماحرم يغنيك ذا وادون وجود عماد الدين بالسر والعلن =ابتغ رضاءربك ولي الكون والوالدين احذرتفرط بحقهم =حيين والابعد مايموتون جميع ماسويت فيهم تحصله =تسوي وعقبك بك يسوون والنفس جاهدها وجود عقالها=احجزهواها حجزة المجنون ولاتكشف عيوب البشر لوتشوفها=الناس مثلك بالسنه وعيون وزلة رفيقك صد عنها وزلها= زلة كرم من زلها مايهون ان حطها لك طيب والاانت حطها=صدة صقر عن جيفة الحبرون ومن يعطي اخوك الجفاءغده الجفاء=وعشه منه واسقه بعدها غبون طيبه معك ثوب ن مكمم من الردى=لاتلبسه لو زينه بردون ولاتظن بالانسان قدام تكشفه=تظن ظن ومن وراه ظنون والسر لاتستودعه غير صاحبه=لاطار منك الناس به يدرون والهرج لامن زاد زادة سماجته=ماقل دل وجاكم المضمون الشاعر علي زيد البدراني= |
الشاعر العذب ابو طلال صح لسانك مليون ولا يكفون .. قصيدة رائعة روعة حضورك ملئية بالحكم بيض الله وجهك ...ولك التقدير والاحترام
|
صح بدنك يابو ناصر وجهك ابيض شكرا لمرورك دمت بخير |
الشاعر علي زيد
صح الله السانك يابو طلال القصيده على الطرق الهلالي وانا سميتها الجامعه لدنيا ولادين لو اقراها كل يوم الربعين مره ماملها كل بيت من القصيده يقول للقار البيت المقبل اجمل انتاج شاعر عاقل مدرك شكرا يابو طلال |
اخوي الشاعر المتميز بمقداره وشعره بدر ابن راشد شكرا من الاعماق على هذا الاطراء الذي اتمنى ان استحقه دمت بخير |
الساعة الآن 05:17 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM