بديت باسم اللي خلقنا من الطين = اللي خلق خلقه لطيف رحومي
فرد صمد قابل صلاة المصلين = يفرج لمن كثرة عليه ألهمومي
القاف وان كاني بديت أتقنه زين = وأسخره تسخير لأهل الفهومي
وكل الرسائل تبتدي بالعناوين = اعتز وافخر في ربوعي وقومي
العز والرفعة لكل البدا ريــن = عيال بدران الرجال القرومــي
مني تحيــــــــه للجماعة ملايين = عداد ما هلت ثعول ألغيومي
وعداد ما حج الحجيج الملــبيــّن = عد الخلق واللّي لربه يصومـي
تســلم عــقول الطيبين الوفيـيـن = وافين والله يا رجال أللزومــي
من الحجاز ونجد وشمال ويمين = منهم تجيــنا طيبات ألعلومــي
فالماقف الغصاب دايــم شجيعين = والكل فاللازم بفعله يــــزومــي
وللطيب والمعروف والله حريصين = وملجأ لمن زادت عليه ألهمومي
أذا لفاهم ضيّف والله كريمين = أهل الكرم للضيّف وأهل السلومي
في ساعة الميقاف ربع متاقين = يثنون يا لو تحت وبل السهو مي
يشهد على قولي فعول القديمين = من فعلهم تشبع طيور تحومي
إذا تعلو فوق مثل الشياهين = ساعة عجاج الخيل فيها يقومي
كم من جريح طاح دون المثارين =من ضربت الفريّس عظمه لهومي
وكم من صبي أمه غدت تذرف العين = حطوه في قبره برأس الحزومي
من فعل صبيان السعد تقضي الدين =دون العواني فيه لطم الخشومي
للي يعاندهم عصاة عنيدين = والّي يحشمهم يصير محشو مي
وصلاة ربي عد نبت البساتين = واللي مشى بالأرض واللي يعومي
على نبي بيّن الحق تبيين = بين طريق الحق ذكره يدومي