منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   يا ما حلا الفنجال مع سيحة البال (http://www.albdarain.com/showthread.php?t=4704)

عبدالله مناور البدراني 10-07-2008 06:26 PM

يا ما حلا الفنجال مع سيحة البال
 
يا ما حلا الفنجال مع سيحة البال

هذه إحدى قصائد راكان بن حثلين الشهيرة والخالدة في ذاكرة الناس ، حتى أصبح بعض أبياتها يردد كالأمثال وفيها يستحضر ابن حثلين ديار قبيلته :

يا بو هلا طير الهوى خبث البال = الطير نزر والحباري قليلة
يا الله يا اللي طالبه ما بعد فال = يا اللي من الضيقات ينجي دخيلة
إفرج لمن قلبه غدا فيه ولوال =والنوم ما جاء عينه إلا قليلة
لا من ذكرت رموس عصر ٍ لنا زال =شوف الفياض وفقد عز القبيلة
يا زين شدتهم إلى زوّع المال =يتلون براق ٍ تلالا مخيلة
يتلون براق ٍ سمر عقب الأمحال =تلقى التريبي فايض ٍ غب سيله
يسقي خسيفا والثمان أرضهن سال =مرتع معطرة السيوف الصقيلة
من جو ساقان إلى السيف همال = وينوش حسنا والرديفة هميله
فن قادنا من يمه القفر خيال = يصبح شديد البدو عجل ٍ رحيله
قاد السلف واستجنبوا كل مشوال = والعصر يا محلا تخيبط نزيله
فن شرف البادي على روس الأقذال = والمال كثر الزول محمي جفيله
وتكافخت بطبولها شهب الأذيال = ومن ضيع المفتاح واعزتي له
وركبوا على طوعاتهم كل عيال= كل ابلج يحري بكسب النفيله
وتغانموا المفزاع ذربين الأفعال = من قبل سبّق غارته تنثني له
يبغون طوعة روسهن قبل الادمال = وتغانموا خلف ٍ كثير ٍ هجيله
وحال الحكي من دون عطرات الأجهال = ومروا ولحقوا مقحمين الدبيله
واللي تثنوا عقبهم يلبس الشال = ومن صنع داود ٍ دروع ٍ ثقيلة
لزم ٍ عليهم علة قبل الانهال = ومن غارته لزم ٍ يضيع دليلة
والدم من قحص الرمك يوشل أوشال = يزعج على وروك السبايا وشيله
هذيك راعيها من المعرقه مال = وهذه شكلها مطرق ما تشيله
من وقع كل مقرنس ٍ قد له أفعال = وفروخ صادن الحباري فصيله
يا محلا الفنجال مع سيحة البال = في مجلس ٍ ما فيه نفس ٍ ثقيلة
هذا ولد عم ٍ وهذا ولد خال = وهذا رفيق ٍ ما ندوّر بديله
وليا ركبنا فوق عجلات الازوال = وبايماننا حدب السيوف الصقيلة
ما حن نحسّب لا اشتبك عج وقتال = وترّك صبي يقتنع بالفشيله
يا ليت رجال ٍ يبدل برجال = ويا ليت في بدّل الرجاجيل حيله
وصلاة ربي عد ما زايل ٍ زال = على نبي الحق راع الفضيلة
=الشاعر والفارس راكان بن حثلين العجمي

عبدالمطلوب مبارك البدراني 10-07-2008 07:13 PM

صح لسانك ابو وليد

ولسان الفارس و الشاعر الشيخ راكان بن حثلين

وبيض الله وجهك على النقل الرائع

تحيااااااااااااااااتي

ابووائل 10-07-2008 09:03 PM

يا محـلا الفنجـال مـع سيحـة البـال
في مجلـس ٍ مـا فيـه نفـس ٍ ثقيلـة
هـذا ولـد عـم ٍ وهـذا ولـد خــال
وهـذا رفيـق ٍ مــا نــدوّر بديـلـه
وليـا ركبنـا فـوق عـجـلات الازوال
وبايماننـا حـدب السيـوف الصقيـلـة
ما حن نحسّـب لا اشتبـك عـج وقتـال
وتــرّك صـبـي يقتـنـع بالفشيـلـه
يـا ليـت رجــال ٍ يـبـدل بـرجـال
ويا ليـت فـي بـدّل الرجاجيـل حيلـه
صح لسانك ابو وليد
ولسان الفارس و الشاعر الشيخ راكان بن حثلين
وبيض الله وجهك على النقل الرائع

وتقبل تحياتي

اهم انسان 10-07-2008 09:05 PM


الاخ العزيز : ابو وليد

صح لسان القائل والناقل
وقصيدة رائعة جدا

وتقبل التحية
أ هـ م 001

عبدالله مناور البدراني 10-07-2008 11:28 PM

الأخوان أبو ناصر وأبو وائل وأهم إنسان
شاكرجداً على مروركم والمنتدى يستاهل أكثر بحضوركم


الساعة الآن 04:33 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM