يامرحبا ترحيب حربي يمثل بن نحيت=والنحيت يمثلون القبيله كلها
باخذ العوفي معي في طريقي لا سريت=والرجال اللي تعقد العقود تحلها

البقى لكن مافيه بيت فبطن بيت=انت تحت الشجره اللي يظلل ظلها
خايف انك يابن الاجواد تسري مادريت=مير عينك فاتحه والدروب تدلها

مد عينك من جبال الحجاز اليا الكويت=والنجوم افطلها والدروب افطلها
لا انتهى مشوارنا يالسحيمي وانتهيت=واحده خذها براسك وعشره خلها

انت في سوق الخساره لابعت ولا شريت=ارسل السكين للي يعرف يسلها
انت ياهذا الولد لاكتبت ولا قريت=لاتحلق الروس بالموس لين تذلها

ودك انك تاخذ السوق عنا كمبليت=وعيت التجار واحسن لنا واحسلها
انت يا هالعود شابت رموشك وانحنيت=دور المسجد وصل الفريضه صلها

عام الاول تهدم البيت وانا اللي بنيت=كنت تنظر للبنيه ولنته خلها
الكبر والشيب يلحقك في ظهر الونيت=كان عندك صبر بدلها بدلها

بالبنايه صادق السانك وبالهدم افتريت=صاحبك يطلع لها فوق ماينزلها
نام ياصياف وارتاح بعد اني صحيت=العرب خيالها صبح يلحق بلها

انت صادق بس لفيت مره والتويت=دحدرتبك وانت ماتعرف اتفرملها
انت لاقي لك بلا مير مدري وش لقيت=يمكن انه سم كل الكبود يعلها

انت قبلي تنزل السوق راكب بسكليت=واخر الايام كل العرب تذن لها
مالقينا غير صورتك من بعد استويت=بشر العدوان لعلها لعلها

انت ترمي بالبنادق ولاكنك رميت=فيك عقده خافيه منت عارف حلها
يذبحون النامس اللي يرشون الفليت=مير لاتقرا بالاوراق لين تفلها