=( العقول النيّرة )
الله عزيز وقادر انّه يذلّك = خل الكبر وامشي على الأرض بالهون
الناس لو شافت غرورك تملّك= وعن صحبتك كل المخاليق ينهون
أما التواضع يرفعك من محلّك = ويزيد قدرك فوق ما كنت تبغون
واهل التجارب عندهم ما يدلّك = أهل العقول النيّرة خلهم عون
وابعد عن اللي ثرثرتهم تعلّك = ينقل لك الهرجه وعنكم يودون
راع النمايم لا تخليه خِلّك = وراع الحسد في كل الأحوال مغبون
البعض يضحك لك ووده يغلّك= ولا وده يشوفك على الأرض تمشون
لو تسأله في شي واضح يظلّك = مما يشيل بداخله .. حقد وضغون
هذه نصيحة وافهم اللي أقلّك = بعض النصايح سعرها بلف مليون
= شعر/ ضيف الله البدراني (أبووليد)