( حـــب الـــبداوة )شعر/ ضيف الله البدراني
(حب البداوة )
ماني من اللي غيرته الحضارة = باقـي عـلى حـب البداوة إلى الحين شعر / ضيف الله مناور البدراني (أبووليد)بيت الشعر عندي يساوي عمارة =والخيل محلاها ومحلا البعـارين والبـر مـحـلاه بمسـاه ونـهـاره = ترتاح له نفسي وتفرح به العين لا ضيّقت صدري هموم وكداره = أرحل على ديرة هـلـي الـبـداوين ألقى الوناسة عندهم والإثـارة = ريح الخزامى والنفل والرياحـيـن والصيد لا هدوا عليه الصقارة =مابين وكري وطير حر ٍ وشاهـيـن أنا بـدوي والـجود أ ول شعاره =والثانية عندي مبـادئ وقـوانين أحب من يوفي صديقة وجارة= وأحب من يمشي على منهج الدين ربعي وناسي كلهم في الصدارة =كـل الـعـلـوم الـغانـمـة لـلـبـداريـن وعندي عليها إثبات ماهي كبارة =أهل العقول الراجحة والموازين أهل الوفاء والمرجلة والوقاره =ربعي بني بدران في العسر واللين لا لاح برق الحرب واقدح شرارة =نصمد كما تصمد شموخ الضلاعين حنـا لـنا البارود فــن ومـهـارة = وتبقى قـبايل حـرب سـم المعادين النصر من عاداتهم والجسارة =فـرسـان لا حـان الوغى في الميادين يا كم لنا في الحرب غارة وغارة =تاريـخنـا يشـهـد علينا من سـنـين وكل القبايل فيها مجد وظفارة = كـل الـقـبـايل فيها ناس ٍ شـجـيعين ومدح الحمايل عز ماهو خسارة = كـل الـقـبايل عـنـدنـا قـدرهـا زيـن واختم بيوت الشعر باول عبارة =باقي على حب البداوة إلى الحين |
http://www.up4vip.com/up/uploads/0f8da85dbf.gif لسرعة التسجيل وتفعيل العضويه 1ـ التسجيل باسم لائق ويفضل الاسم الصريح (يلزمك التاكد من كتابة بريدك الالكترني ) 2 ـ تنشيط العضويه من بريدك الالكتروني (في بعض الاحيان تجد رسالة المنتدى في الجنك ميل ) 3ـ الاتصال بالرقم 0557011908 لاعطاء المعلومات والتي ستبقى سريه لن يتم الافصاح عنها |
صح لساااااااااااااانك اخوي ضيف ,,
وبيض الله وجهك وماقصررررت يابو وليد ,, مافيك حيله .. مشكوووووور ,, تحيــــاتي لك ... |
أخي ضيف الله صح لسانك تقبل تحياتي ،،،،، |
بيت الشعر عندي يساوي عمارة =والخيل محلاها ومحلا البعـارين والبـر مـحـلاه بمسـاه ونـهـاره =ترتاح له نفسي وتفرح به العين صح لسانك وارتفع شانك قصيد ة جزلة لك الود |
الساعة الآن 03:17 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM