( أم وليد )

أرسل سلامي على الغالي
اللي خذا القلب والإحساس
الدار من بعدكم خالي
ولا عاد يحلا به المجلاس

( أبووليد )

يا مرحبا كالعسل حالي
يا مرحبا يا عريب الساس
والله ما غبت عن بالي
ولا شوف غيرك بعيني ناس

( أم وليد )

دمع النظر عقبكم سالي
أصبح زماني شقا واتعاس
يا بو وليد اسمع أقوالي
من بعدك أشرب مرار الكاس

( أبووليد )

يا اللي لك القلب منزالي
الهم لا تتبعه والياس
يحميك رب السما العالي
يا جوهر الدر والألماس

( أم وليد )

ليل السهر بعدكم طالي
أسهر لحالي مع الهوجاس
لا زاد لا شرب يهنالي
غيبتك طالت عسى ماباس

( أبووليد )

أكتب جوابي ومرسالي
من دم قلبي لك بقرطاس
يا اللي أبد مالك أمثالي
لا تضرب أخماس في أسداس

( أم وليد )

أتخيلك دايم قبالي
دقات قلبي غدن مرواس
الله يردك يا بو عيالي
أنت الذي للوفا نبراس

( أبووليد )

أذكرك في قمة أشغالي
أذكرك لا من سرى نسناس
أذكرك في كل الأحوالي
ذكراك تسري مع الأنفاس

الأخ الغاااااااااااااالي

تركي الزايد

صح بدنك وشرفتني بمرورك

ولا خلا ولا عدم

وكل عام وانتم بخير

أخوكم / أبووليد ،،،

حياااااااااااك الله يا بو خالد
شرفتني والله بمرورك
وتسلم يا الذيب
وكل عام وانتم بخير
تقبل تحياااااااااااااتي
أخوكم/ أبووليد ،،،