[عبدالله مناور البدراني]

=هذه الهجينية أرسلها لي الشاعر عبد الله زاكي الجابري يقول فيها :
=سلام من خاطر ٍ وهاج
= يضـفـي عـلى الكون وهاجه
=يا الصاحب اللي كما هداج
= بالـمـعرفـة جـنب هـداجه
=غاص البحر فوقه الأمواج
= يخـضع له البـحر بامواجه
=من اللي سبب لي الإحراج
= وسط الملا سبب احراجه
=أرسل سهم والسهم له عاج
= مرسوله الرمش في عاجه
=ماريت في ناظري دعاج
= منه الغنج يسبق دعاجه
=ما حط في خده المكياج
= خلق الولي محسن كياجه
=يا ليت قلبي كما الحجاج
= ما هزه الرمش وحجاجه
=لا صرت تايب من المدراج
= كيف البصر ماكثر دراجه
=واليوم أبغى دواء وعلاج
= مضمون في وصفه علاجه
=وقد كتبت له هذا الرد :
=يا مرحبا في أول المنهاج
= ترحـيـب ساير فـي منـهـاجـه
=كل مدخل إلاّ وله مخراج
= والذيب يـحسـب لـمـخـراجـه
=لا ترمي القلب وسط الصاج
= الـقـلـب لا يـجـرحـه صـاجـه
=ولا تتبع اللي كثير غناج
= يـضـحـك ويـبـلـيـك بـغـنـاجـه
=واللي صعد عالي الأبراج
= ينظر لا يسقط من أبراجه
=والهم لو زاد له فراج
= من أنـزل الـكـرب فـراجه
=ما دمت فعلاً لهم محتاج
= ومن بدّت الناس محتاجه
=ومادمت حطيتهم لك تاج
= احرص على الراس من تاجه
=أقدم على وصلهم بعجاج
= مثل الـمـطـر يلـحق عجاجه
=واللي زرع يحصد الإنتاج
= ومن جد ما ضـاع إنـتـاجـه
=شعر / ضيف الله البدراني (أبووليد)