أحد الأصدقاء أخبرني بقصة حدثت بينه وبين فتاه كانت بدايتها عن طريق رسالة بعثتها له على جواله ثم أصبح يحدثها فترة من الوقت ثم بعدها انقطعت هذه الفتاه عنه نهائي ، فكتبت له هذه القصيدة وهي بعنوان : ( الرسالة )
=( الرسالة )
يا اللي حسبت انك مع البخت موصول = والنار في جـوفـك تـزيد اشتـعـاله
كــلامـه اللــي لاعـكم حـيل معـسول = والـكـذب مـهـمـا زاد تقصر حباله
من يوم روّح عـنك والبال مشغول = وتـقول يا وين ألتقي في وصالة
جوالهم من يومــهـا صار مقفول = وإذا فـتـح مـرّه يـزيـد انشغــالـه
مابه صداقة بين واضح ومجهول = لا عادهـا اللـه يوم جات الرسالة
ترسلــهــا في كل الأوقات وتقول = يا زين جاوبني وخـل الثــقـاله
نبغى انتلاقى والوصل منك مأمول = ترى الجفا والصد أكبر نذالة
وأصبحت لجله تايه وشبه مسطول = هــذه عـواقـبهـا دروب الضلالة
واللـه ثم واللـه لو عمرك يطول = لا بد من لحـظـة تجي فـي زواله
تذكر انك فـالنـعـش يـوم مـحمـول = وبتواجه المولى عظـيم الجـلالة
يوم الجزاء والكل خايف ومذهول = عـذاب ربـي مـن يـطيـق احتماله
نصـيحتي جاتك ولا ني بمسـئول = احرص على أعمالك وخل الجهالة
=شعر /ضيف الله البدراني (أبووليد)