عرض مشاركة واحدة
قديم 30-05-2009, 09:27 PM   #1
معلومات العضو
مشاري البدراني
مشرف النثر والقصه
إحصائية العضو






آخر مواضيعي
افتراضي الله مـن قلـب مـع الهـم ينـلاف

الله مـن قلـب مـع الهـم ينـلاف=لوف الهواء لاهب روس الشفاشيف
لاقام يوجف في حجى النايف أوجاف=وقامت تصافق به ارياح العواصيـف
عليه مـن بيـن المعاليـق أزحـاف=معـي مقاديـر الليالـي زواحيـف
أصقه عمى لاعاد يسمع ولا شـاف=ولا عـاد منـه الا بقايـا تناتـيـف
وليا بغى يرقب على راس مشـراف=يهيب من مرقاب روس المشاريـف
من خوف لايذكر لـه اسنيـن ذلاف=اللي غدٍ له في الرجال الشواحيـف
أقفت بهم سود الليالـي والصـداف=وأكثر مقاديـر الليالـي صواديـف
تصيب ما تخطي ولا كـل حـذاف=يصيب حذفـات الليالـي حواذيـف
وأنا عليهـم بـازرق الدمـع ذراف=تبكي عيونـي بالدمـوع الذواريـف
لو كان دمعي يـا عيونـي تحسـاف=مهما بكيتـي مـا تفيـد التحاسيـف
وذكرت قلبي صوبهم يابـن سيـاف=ذكرتني فيهم وأنـا قلبـي سخيـف
ذكرتني طاري عديميـن الأوصـاف=اللي عليهم مـا تجـوز النواصيـف
إلا على نـاس(ن) علـى كـل ميقـاف=يثنون عند التاليـه فـي المواقيـف
ومنكم ومنا اللي يـردون الأسـلاف=لا سار جراد السيـوف المهاجيـف
لاهب نسناس الهواء وموج الأسياف=وهاج البحر قام يتلاطم على السيـف
لاأقبل على أهل الخيـل رده ومنكـاف=وبيض الصبايا يغطرفن بالغطاريـف
لكن بلانـا مـن عديـم التصـراف=اللي يجنب عـن دروب التصاريـف
لاشفت زوله قلت له زول عـراف=واليا هرج حشمت روس العواريف
اللي بعيد عن خطف كـل خطـاف=ومجنبيـن عـن دروب الملاقـيـف
الله يخليهـم عزيزيـن وأشــراف=ودايـم بخيـر ولا عليهـم تخاليـف



الشاعر/ عبدالرحمن بن بطيحان الشهراني







مشاري البدراني غير متواجد حالياً   رد مع اقتباس