احمد الكثيري
سلام لا يالبدارينا=سلام مليون في مليون
بو مناور بالود شارينا=ارضيه ولا اني ابد مغبون
ضيف الله البدراني
يا مرحبا وانـت غالينـا=نشريك يا صاحبي وتمون
مثلك وشـرواك يكفينـا=كل القبيلة بـك يهلـون
احمد الكثيري
ترحيبكـم عـام يكفينـا=ترحيب واحد عن المليون
لي الشـرف لـو تنادينـا=نبقى معاكم على المضمون
ضيف الله البدراني
كسرات نبغاك تهدينـا=أصحابنا ودهم يقـرون
عجل عليهم واعطينـا=كسرات فيها نغم وفنون
احمد الكثيري
ضيف الله الـود كاوينـا=وللي كوى خافقي مزيون
ساكـن بجـده واناسينـا=ومن بعد فرقاه انا محزون
ضيف الله البدراني
نبغاك بالوضـع تفتينـا=يمكن عن الود ما يدرون
عطنا سبب كان توحينا=واعطيك حلي وما تبغون
احمد الكثيري
خلـي تنكـر وجفيـنـا=طعن فؤادي وانا المطعون
يقـول لا عـاد تبكينـا=نسى العناوين والتلفـون
ضيف الله البدراني
يا ما من الحـب لا قينـا=الجرح وسط الحشا مدفون
انساه وارميه يـا خينـا=دوّر على غيرهم تلقـون
احمد الكثيري
عشرة حبيبي لها سنينا=ياعارف الحب والقانون
عشرين عاما ويومينـا=عديتها بالهوى مجنون
ضيف الله البدراني
الله علـى حالـك يعينـا=لا يا الكثيري عليك الهون
دام السفينة علـى المينـا=انصحك بالموج لا تمشون