[خالد]

عديت في راس الطويلة مـن سـواج=عديـت رأس النايفـة مـن سواجـي
عديت رأسه وأول الصبـح ماأمبـاج=صادفت في رأس الطويـل انحراجـي
اثر الهوى ياهل الهوى يحرج احـراج=علت سرطان(ن) عديمـت اعلاجـي
أليا انتحى راعيه مـا يطيـع هـراج=واللي يعذلنـي مـا مزاجـه مزاجـي
يضـرب السبـاح غبـات الأمـواج=المـوت شيـال الجنـايـز يفـاجـي
أنـا ذبيـح اللـي يتبـرج تـبـراج=ايسـت منـه وراح يرجيـه راجـي
أبو خـدود(ن) ياسعـد تلعـج العـاج=حبـه مزلزلنـي وفـي ارتجـاجـي
يمزح معي وان جيت أبا أمازحه ماج=و شره عليه داخـل الـروح لاجـي
ماخبر غيره بالهوى اسرج بي اسراج=ولاعندنا مثلـه مـع النـاس راجـي
ياشبه وضح(ن) صيفت يـم الافـلاج=غدالهـا علـى الرحـول ادراجــي
مع ذود صمل(ن) باول الذود مدبـاج=ما الهوه عنهـا رافعيـن الحجاجـي
من حيث ماساجت على ودهـا سـاج=عينـه لخاطرهـا وقلبـه هجـاجـي
وضح(ن) فروع(ن) لو تبي تلبس التاج=تاخذ علـى زينـات الالـوان تاجـي
وياعود موز(ن) له على تسعة ابـراج=يرشـه الرشـاش تسـع البـراجـي
يشرب على عين(ن) مثل عين هـداج=فوقه ظـلال وتحتـه المـي ساجـي
واليا نظرت بعـود ونهـود وحجـاج=غديت مثـل اللـي طـواه الخلاجـي
بـس اتمنـى والمنـى صاحبـه داج=لاواهنـي اللـي مـن الحـب ناجـي
وأنا عرضلي عرضة اجحى لحجـاج=بفـرض عليـه رادتـه باحتجاجـي
وتاثره صحيح علاج مايعوض بعـلاج=وأنا ياأبو سلمان غـاد(ن) اعلاجـي
دونه تجوري(ن) على عشـرة ادراج=غطـاه ليـل ومظلـم الليـل داجـي
والليل غطـى راس ابانـات وسـواج=واصبح على الجرة رشاش وعجاجـي