قال الشيخ:برجس بن مجلاد يصف من يستاهل الفنجال
والفنجال عند الباديه له مدلول ومعني
قم سو مايجمد على الصين ياذياب"="بدلال يشدن البطاط المحاديب
واحمس اليامن العرق فوقها ذاب"="واستدن مايجذب عليك الشراريب
نجر يصيح من السكر تقل بحزاب"="يلعي على طول المدى بالمواجيب
وصبه المن قاد السباياللاجناب"="له مفرس يشبع به الطير والذيب
وصبه للي وان جا للزمل ضبضاب"=" يرخص بعمره دون زمل الخراعيب
وصبه للي وان لفا بيته اركاب"="قدام بيته تقل مجزر قصاصيب
وقال الشاعرحجاج عتقا خلف الحربي
ياليتنـي سيـرت يـم البـداريـن=ونصيت بيت اللي عزيـز جنابـه
الباتع المفـراص بالعسـر والليـن=النادر اللـي باللقـاء ينغـزا بـه
إن قيل منهو قلت من يقضي الديـن=نايف ولـد هاجـد مـلاذ القرابـه
نايف ولد هاجد قبـول الحشيميـن=ياسعـد والله مـن لجـا والتجابـه
من جاء لبو غضبان لومن بعيديـن=يقضي لزومه والخطـر مايهابـه
نعم ياابن راجح زبـون المخليـن=حر شجاع ولابعـد صـك بابـه
نايف ولد هاجد صعوط المجانيـن=حلحيل شوق الترف جالـي عذابـه
عن فعل ابوه وفعل يمنـاه داريـن=جميـع طـولات الظفـر تنلقابـه
مايجلس الا في مجالـس سلاطيـن=وعند اللقاء بالجود يوخـذ حسابـه
له مجلس مدهل رجالـن عزيزيـن=سبع السباع وطالعـن مـن ذيابـه
وافي ومتربع على طيـب وافيـن=أميـر حـلال النشـب والطلابـه
وربعه سعد عينه على أمره مطيعين=عزاز النفوس بكـل درب مشابـه
لطامـة العايـل كعـام الشياطيـن=الكل منهـم فيـه لطـف وحبابـه
اليا اعتزوا كل البداريـن ساطيـن=رجال الظفر فيهم عن الحقـد ثابـه
حلوين للصاحـب وللضـد مرّيـن=سيوفن تشوق العين لمعـة حرابـه
وختامها صلوا عد ناسن مصليـن=على النبي المصطفـى والصحابـه
وقال الشاعر طلال بن سعد البدراني
يالي على بيت البداريـن مريـت=إخذ من جزال العلـوم إثمرتهـا
سوالف تطـرب لهـا لاتوحيـت=تحفظ سلـوم جدودنـا مامحتهـا
لطامت العايل كعـام الطواغيـت=من دون حرب ليابـدت لازمتهـا
مع حرب موقفهم مثل واسط البيت=مع ربعهم ماحدً جحـد منزلتهـا
امجادهم ماتنحصـي لـو عديـت=كم ناس معهـم ماطـول السنتهـا
وفوقً على هـذا كـرام لياجيـت=تكـرم لحـى ضيفنهـا لانصتهـا
اصغارهم تنطحك في قول حييـت=وكبارهم من قبـل محـدً شمتهـا
وانا على حق العـرب ماتعديـت=امجـاد معروفـه يـدي اكتبتهـا
وقال ايضا بهذه المناسبه
مبروك تعيينك على العـز مبـروك=الطيب والنوماس ساسـك هـل الـه
ماهي غريبه لو هل الجـاه حطـوك=الجـاه لهـل الجـاه يعـرف محلـه
معقبـه جـدك وباقـي مـع ابـوك=ويبقـى وتبقـى يالنجـوم المطـلـه
من القلب نبارك للشيخ : بندر بن نائف ابن راجح
تعيينه رئيسا لمركز بلغه
والاخ بندر من مواليد عام 1387 في قرية بلغه
تلقى تعليمه الاولي في منطقة المدينه المنوره
تخرج من المعهد الثانوي لاعداد المعلمين عام 1411بتقدير ممتاز
عمل في منطقة الدوادمي التعليميه لمدة عامين ثم انتقل الى المدينه المنوره
حيث عمل معلماً في مدرسة اسعد ابن زراره
التحق في كلية اعداد المعلمين وحصل على شهادة البكالريوس في
تخصص اللغه العربيه
حاصل على العديد من الدورات التخصصيه في التربيه وفي الاداره
التحق في دورة المتطوعين في حرب الخليج الثانيه وكان من الأوائل
في الرمايه وعلى الدوره
ونتمني من الله العلي القدير ان يعينه على تحمل هذه المسئوليه واعباءها الجسيمه
والمباركة موصوله لوالدنا الشيخ /نايف بن هاجد ابن راجح البدراني
لكم صادق الود