ياعمنا المسترزقه واجد وكلن له هدف=دام الليالي ادبر(ن) كلن يدور له طريق
على حسابي او حسابك المهم انه صرف= كذا والا كذ على حسابات الرفاقه والرفيق
وانا ليا مني كتبت الشعر ماياتي صدف = انقا جزيله لو هو بغبة البحر العميق
يومن غيري لكتب بيتين للثالث حذف = اختار جزله ولا يجي حوله يليق او مايليق
كم بيت خلده الزمان لشاعره لوما انعرف = يدرج مع العالم ويبقى ثابت(ن) كنه طويق
وبعض السوالف لو تعدى حدها عظمك رجف = من دونها ياصاحبي كم نشفت الفين ريق
والطيب يبقى بيننا و الا التحف تبقى تحف = والله ماودي اولعها وخليها حريق
وبعض السوالف ليسمعنها نقول احلى طرف = نضحك على من جابها لو كان صفق له فريق