هذه القصيده للشاعر لافي حمود الغيداني أعجبتني وحبيت انقلها لكم ارجو ان تنال أعجابكم
العين عن حلو الكـرا موقهـا تـاب ماتـذوق حلـو الـنـوم مع ذايقينه
اسباب لانه ماش شي بـلا اسبـاب هاك الغـزال اللـي ذبحنـي بزينـه
مـرّ يتخطـى ويتلفلـف بالاسيـاب وطير عـن القلـب المشقّـى يقينـة
من نظرته وقّع على القلب مضـرا ب اشـد وقـع مـن الرمـاح السنينـة
يسرق نظر عينة حذر مدري إعجاب ونـا معـه قلبـي تقطّـع وتيـنـة
عرّض ومن تعريضتـة خافقـي ذاب وقمت اتبعـه ماغيـر عينـي بعينـه
واقفا عجل من نظرتي فيـه مرتـاب ويحط طول النـاس بينـي وبينـه
وصديت عنه وخاطري منه ماطـاب كني ماني يمّـه وانـا اقـول وينـه
من خوف يفطن لي وننشب بالانشاب السـوق زحـمـة والاوادم ذهيـنـة
وخت عنه اشوي مقفي والاعصـاب متـوتّـرة مافـكّـرت بتهـويـنـه
ولدّيـت ليننّـه يسعّـر بالاطـيـاب عنـد الهنـود اللـي لغتهـم رطينـة
وارسلت يمّه نظرة احبـاب لاحبـاب النظـرة اللـي ماتركتلـي غبيـنـة
واقبل يبـا يحطنـي عنـه مجنـاب وشكّيت فـي ممشـاه علـى هوينـه
وناظرت فيه وضحّك النـاب للنّـاب ومن ضحكته حلّـت علـي السكينـة
وموّه على اهل السوق واشّر بالاهداب إشـارةً تبـغـى قلـوبـاً فطيـنـة
منهافهمت انه يبا يعـود لـو غـاب وان الامـر معـاد هـو فـي يدينـة
وعقب غلاق اسبوع مر ومعه جـاباصغيّـراً متجـوّداً فــي يميـنـة
اصغيـراً بالزيـن للعقـل نـهّـاب يقـول اخـوي ومقصـده فاهمينـة
قصده يقول ان كان عندك استيعـاب علـي مـن هـاذا ملامـح وعينـة
واخذت انـا ويـاّه مـزح وتعجّـاب مزحه رزيـن وكـل كلمـة رزينـة
في موقعـاً عنـه المخاليـق غيّـاب إلا ملايكـة العـمـل حاضريـنـة
بيني وبينـة ماحصـل غيـر الآداب آداب سلـمـاً كلـنـا وارثـيـنـة
منه إحترام شعور عربيـن الانسـاب ومنه احترام الرجـل عقلـه ودينـه
وبغا الوكاد وقلـت هايـم ومنصـاب حبـك ذبحنـي نعنـبـو والديـنـة
قال استبيحك عـذر واقـول لعّـاب وش ذالغـرام اللـي غدابـك بحينـة
وحلفت له واقسمت في رب الاربـاب منجي مـن الطوفـان راع السفينـة
إني معـه صـادق ولانيـب كـذّابوالـكـاذب الله لايـطـوّل سنيـنـة
قال انت صادق بس سابقـك خطّـاب واهلي فـي تـال الشهـر موعدينـة
كم له وهو ماغيـر ذهّـاب وايّـاب لاهـم بمعطيـنـة ولا رافضيـنـة
وان كانها تمت علـى يديـن كتّـاب وتـم القـران وروّحــو كاتبيـنـه
انا تراي ابا اعتبرك مـن الاقـراب وعلى النقـى تبقـى صلتنـا متينـة
وودّع وصارت كلمته تقـل مشهـاب واركت على كبـدي عراقـي مزينـة
وبقيت في وضعاً تحير ابه الاطبـاب ايّسـت منـه وحالـة اليـاس شينـة
واخذت وقت احسّـب ايامـه حسـاب وقلبي علـى شوفـه تزايـد حنينـة
احيان اقول انشد عنه بعض الاصحاب وتجيـك بالعلـم الموكّـد جهيـنـة
واحيان اقول اصبر على جور الاتعاب ورزق الفتى واجله كتب فـي جبينـة
وسكت ماودي عليـه افتـح ابـواب للهرج مـن ناسـاً مهـم راحميـنـة
وصبرت مير الصبر طوّل ولاتـاب ومن طال صبـره يالله إنـك تعينـة
ويوم ان راسي من طويل الصبر شاب قررت عنه اسال حـدى مجاورينـة
وسالت عنه وقال راحو بـه اجنـاب مـن قريتـه شـد وسكـن بالمدينـة
قلت ايه مـادام اهلـه عندنـا يجـاب أمّـا بعيـد الفـطـر ولا بحتيـنـه
قال اهله معه رحلـو قلـت ياشـاب يعـنـي لازايـركـم ولازايريـنـة
قال ايه بس انسـه والايـام هـرّاب تطـول وتنسـيّ ظنيـنـاً ظنيـنـه
قبلي وقبلـك خلّـت احبابـاً احـزاب وكم فرّقـت بيـن الخديـن وخدينـة
ماعاد في شوفـه طلايـب وطـلاّب تـرى معـاد الا يــدرّج جنيـنـه
وش تطلبه واحبالـه بكـف قضّـاب احذر لاينصب لـك زمانـك كمينـة
قلت الرجال مفتّلـة روس الاشنـاب لاقسى الظروف حسابهـم حاسبينـة
واقفيت من عنده على الغلـب غـلاّب اكـن غيـظ القلـب واجحـد ونينـة
واعلنت ياسي وانطوت صفحة كتـاب مـن البـدايـة للنهـايـة حزيـنـة