الموضوع: لا بأس يالشائب
عرض مشاركة واحدة
قديم 09-11-2007, 10:41 AM   #1
افتراضي لا بأس يالشائب

قبل سنوات تعرض الوالد يحفظه الله لعارض صحي مما دعا إلى تحويله إلى المستشفى العسكري بالرياض واخذ وقت طويل هناك وجلسات
علاجية متتالية والى ألان له مراجعات بالمستشفى نحمد الله على كل حال
وفي السراء والضراء ونسأل الله له ولجميع المسلمين الصحة والعافية
ونشكر القائمين على المستشفى العسكري لما قاموا به من جهود .
وقد كنت هناك عند الأخ الكريم والصديق العزيز وابن الخال مرزوق
مبيريك بريك الحربي الذي وجدنا منه كل حفاوة وتكريم وحسن استقبال
وحسن ضيافة وذلك ليس بمستغرب على أبو ناصر
وإثناء تواجدي بالمجلس لديه وكان الوالد يئن ويتألم من شدة المرض .
تحركت المشاعر وهاضت القريحة بهذه الأبيات القليلة وهي تعبر عن نفسها :



عطني من الفنجال ما يعدل الرأس = ديره علينا يابن الاجواد ديره
القلب به ونه وحنة وهو جاس = وعزي لمن مثلي هجوسه كثيرة
دنيا غريبة ما عرفنا لها قياس= لو اضحتك شوي والله مريرة
لا بأس يالشائب عسى يبعد البأس= يا لله ياوالي بفضلك تجيره
له وقفت جزلة والارياق يباس= وان صعبت القالات مافيه غيره
ا نجيت له بالدار للضوء قباس= في بيته الضيفان من كل ديره
ودون العواني ماسمع هرج بلاس= ريف لجيرانه نقي السريرة
قلته وأنا قلبي خفوق وحساس= يكفخ كما طير تعلى مطيرة
والله يالالا طيب الأصل والساس= النادر اللي من خيار العشيرة
اللي علومه كنها الدر والماس = ياخير رجل في الأمور استشير ه
اضن يمكن يمتلك قلبي اليأس = اتجيه حاجات تغير مسيرة
لكن يابو ناصر لقينا التو ناس =في مجلسك ماصار بالقلب حيرة

شعر : عبدا لمطلوب البد راني







عبدالمطلوب مبارك البدراني غير متواجد حالياً   رد مع اقتباس