[عبدالله مناور البدراني]

ضاق الصدر

ضاق الصدر والبال فيني تكدر =يا ويل قلبي من همومٍ ثقيلة
في داخل الوجدان حبه مسطر=الله يعين اللي مفارق خليلة
كل ما كتبت الحرف قمت أتذكر =واجر صوتي فوق راس الطويلة
دمع النظر غصبن عليه تنثر =ماعادلي قدره.... ولا فيه حيله
امشي مع العالم وكني مخدر=واقلبي اللي فوق حر المليله
ربي عطاه الزين والحسن منظر =أم العيون الناعسات الكحيلة
فيها جمال الحور... ولا يمكن أكثر =أبيات كل العشق فيها قليلة
يا لا يمي في حبها لا تكبر =مطعون في قلبي ولالي وسيلة
مهما دفعت المال ومهما اتخسر=الغالية عندي وتبقى الجميلة
يا قلب مالك حل ياكود تصبر= ولا غير للخالق أحد تشتكي له
أبووليد =