مادام انك يااخ احمد كتبت عن الشاعر حبيب العازمي احب ان اشارك ببعض قصائده التي لم تنشر 0
ياهل الهروج العرج لو تمشي العرج= خطه ورى عن خطوتن للامامي
والصمت في بعض المواقف عن الهرج= يسوى مائة كلمة من اغلى الكلامي
ولو كل تاجر للبشر يفتح الدرج= ماصار للتجار غير الاسامي
وراعي الحصان اللي يعنه بلا خرج= لو يشعل النيران برد وسلامي
راعي الهوى ادنات مايثر على روحه = وادنات حاجه تحطم معنوياته
حتى حمام السلام اليا سمع نوحه = يثر على ضامره وهل عبراته
مافيه بالكون شئ فيه مصلوحه=حسب اعتقاده وتفكيره ونياته
وافكاره اللي على التنفيذ مطروحه= كلن يحبه وروحاته وجياته
يكتب ويرم عباراته على اللوحه= عاشق ومغرم وتشهد له بصاماته
لايابعد روح روحن منك مجروحه= روحن ملكته بحسناته وسياته
ماكل زله تجي وتروح مدموحه= الا لكلي سمحت لكل زلاته
ارفق على الروح قبل الروحه الروحه= مايدرك الروح قبل يروح غاياته
العشره اللي بدون احساس مفضوحه= وسيلتن تتخذها ناس شماته
وشهادتن عند قاضي الحق مقدوحه= تصميم ديكور لاوده ولاهاته