حاسبين لكل حاجه يابن عمي حساب= يومن غيري لا بغاها غدا بحسابها
دوك خطي وثقه وانسخه وسط الكتاب = لجل يعرف من كسبها ويش اسبابها
لايغرك ما تعدا ترى جاك السحاب=انتبه للسيل ياللي تعن ركابها
اخلصت ماعاد فيها علوم ولاعتاب= انذرك واحذرك مير تتشتالها
حاسبين لهرجه العود وعلومن تجاب= مير مافادت وشب النار يا شبابها
والله انك ماتهيب ومثلي مايهاب=أصل اللي عليكم تحد انيابها
السنون سنون ويبقا الناب ناب= استفد وشر القضيه على من جابها
لاتحايد وتذرا في طويلات الهضاب = كل ماجنبت عنك فتحت ابوابها
اعترضت ومن تعرض عليه النورغاب=ابشر بموسن يحك اللحاء واشنابها
والله انك منت حولي لو احفيت الركاب=استرح والناس حذرا تقص ارقابها
مير تدري يمكن ان القاف شاب = بعتذر لك بالنيابه وانا كتابها