[عبدالله مناور البدراني]

نهاية الرحلة

تذبل ورود العمر والناس لا هين=كلن على دنياه مشغول باله
هذا يبيله أرض وهذا ملايين =وهذا من الأبراج يبني خياله
العمر يقضي والجماعة مساكين=مافيه واحد كد زمانه صفاله
شوف الزمن روّح في غمضة العين =واقبل خريف العمر هذا مجاله
وين الرجال اللي علا ذكرهم وين =أهل الزعامة وين .. واهل الشكالة
وقدامهم راحوا ملوك وسلاطين =سبحانه المولى عظيم (ن) جلاله
الموت حاصل دون شك (ن) وتخمين =نهاية الرحلة...... على كل حاله
ولا يا خذ المخلوق في القبر يا حسين =غير الكفن والقطن هو راس ماله
= شعر / أبووليد ،،،