ياعوق يابعض الرجاجيل ياعوق

[احمد بن حزام البدراني]

الصبر زين وكل مطـرود ملحـوق=دام النجـوم العالـيـات بسمـاهـا
ياهاجسي برفـوق لاقلـت برفـوق=ماهيـب لحيـة علهـا ياعسـاهـا
ولاهيب لحية وين غيبـت ياشـوق=ولاهيب لحية مت انا مـن غلاهـا
هجس القصيد يتوق صوبي وانا توق=بسـم الله الرحمـن فـي مبتداهـا
رعادهـا رعـاد وبروقهـا بـروق=لامن حداها الشاعر اللـي حداهـا
كان القصيده بنـت عـزٍ وغرنـوق=حلّيبـهـا حلّيـبـهـا لعنـبـاهـا
لاجاتنـي حطيتهـا داخـل المـوق=والله يحييـهـا ويحـيـي نبـاهـا
لها علي حقوق وانـا لـي حقـوق=ولاّ بلاش امـن القصيـد وبلاهـا
مانيب اعدلها علـى كـل طـاروق=اليـن اجنّنهـا وابـيـح خفـاهـا
الفكر شاشة عرض والقلب صندوق=يعني علـى ماقيـل بيـر وغطاهـا
ياهل الوثايق جاكم العلـم موثـوق=نصيحـةٍ ياخـذ بهـا مـن قراهـا
ترى النصيحه كان في ساحة السوق=معروف بايعها علـى مـن شراهـا
لو كل روضٍ به خزامى ورقـروق=محدٍ شكـى الدنيـا ودورة رحاهـا
والمنخنق لا قـال مانيـب مخنـوق=تشهد عليـه العيـن لاهـل ماهـا
والحر يخدم دام له وكـر وسبـوق=ولا الحديـا عيبهـا فـي حـدهـا
والرجل فعل وطيب موقف ومنطوق=والمفلس اللـي مايحصـل حداهـا
لاتبدي اسرارك على كـل مخلـوق=الناس ماتدري وش اللـي وراهـا
عليك باللـي طلعهـم دايـمً فـوق=اللي عـن الـزلات تكـرم لحاهـا
خلك عسر وارقى على كل شاهوق=وسلم على اللـي لارقاهـا رقاهـا
واحذر تخاوي من تجرد عن الذوق=اللـي بـزلات اللـسـان يتبـاهـا
تلقاه بين الكذب والـزور والبـوق=وباقـي علومـه كلهـا ماخزاهـا
ياعوق يابعض الرجاجيـل ياعـوق=اللـي تثـوّر بندقـه فـي اخباهـا

عسى ان تحوز على رضاكم

[اللهبي]

ياهل الوثايق جاكم العلم موثوق = نصيحةٍ ياخذ بها من قراها

قصيده ثمينه مادري من نضمك اخي احمد

او من القائل0؟

[السيسبان]

تحياتي للغالي ابو حزام

وقصيدة جميلة
ونفس الاستفسار السابق للاخ اللهبي؟؟

[محمد عبدالمحسن البدراني]

ياسلام..قصيده راااائعه بكل المقاييس..
جزله وذات معاني جميله..
من القائل اخوي احمد???
عساها لك.

[الفارررس]

بسم الله الرحمن الرحيم
السلام عليكم ورحمة الله وبركاته
مشكور ابوحزام وقصيده جميله اتمنى اتزودنا اكثر






اخوك الفارررس