مرثيات في صياف الحربي

[عادل البدراني]

السلام عليكم ورحمة الله وبركاته

قصائـد مرثيه في الشاعر صياف الحربي ( الله يرحمه)

1- الشاعر منصور بن بادي المطيري

سبحان من كل البشر قدمه اضعاف=جل الذي نرضي بحكمن يريده
يفني بشر ويجدد اشكال وأصناف=يفني ويخلق والملا قبضت ايده
وذي حكمت الله من قديمات الاسلاف=تروح ناس وناس تخلق جديده
واليوم جا علمن يضيق وينعاف=موتت فقيد ولاهو ايه فقيده
عزالله الشعر من بعد صياف = ماله حلا لو زاد نظم القصيده
ياجعل له في جنة الخلد ميقاف=ولعل قبره له حياتن سعيده
يبكيك كل الشعر وبالوزن والقاف=ويبكيك من يتعب لنظم الفريده
ويبكيك كل الشعب منكل الاطراف=وشلون لايللي صفاتك حميده
عساك فالجنه مع الناس الاشراف=ويرحمك ربن كلبونا عبيده

-----------------------------------------------------------------------------------------
-----------------------------------------------------------------------------------------
2- الشاعر وافي السبيعي

صياف راح وراح قبله ملايين=لاكن ظني مايجي(( مثل )) صياف
يالله تثقل صفحته فالموازين=انت الذي ماغيرك اليوم رواف
امسح ذنوبه مثل مايمسح الدين=وثبت جوابه عند رجفات الوقاف
صياف ماننساك حين(ن) بعد حين=لا والذي في حكمة (الام) والكاف
يالشاعر اللي خاض كل الميادين=لك كلمة (ن) نقولها كلمة انصاف
دعيت انا وادعو معي يالمصلين=الله يرحم شاعر الشرق صياف
صياف راح وراح قبله ملايين=لاكن ظني مايجي(( مثل ))صياف

-----------------------------------------------------------------------------------------
-----------------------------------------------------------------------------------------
3-الشاعر محمد صالح الجهني

إذ كان القصائد والمـــــــــعاني =تأثر في غياب اللــــــ،ي تـوده
فيا كثر الذي تبـــــــكي عليهم=حروف الشعر ليـــن يفوح نده
وصياف السحــــــيمي لورثيته =بقاف الشعر لـــــــين يفوح نده
فلا يعبر قصـــــيدي واشتياقي=عن فراق الـــــــــذي كلاً يعده
ليا جاء للقصـــــيد الجزل معنا =وصار نظرة الشــــــــــعار لده
فكل اللي علي سطـــح البسيطه=من حدودالخـــــــليج لبحر جده
تعرف إنه قواعـــــد من اركونه=وسيفه لافـــــقد ســــيفه وحده
لاشك اللي يصـــــــــبرنا عزانا =لحرب أهل الأصــــايل والأشده
قبيله لارحل منـــــــــــــها فقيده=يحول في مكـــــانه من يـــــسده
ومثل وجود راشـــــد والعياضي=دليل إن البــــــحر ماجف مــــده
لاصارإن القـــــدر حقــــــاً علينا =فلا نشنا لــــــــحزنه ولانضــــده
ومن لايؤمن بخـــــــــــيره وشره=ضعيف إيمان مايصـــــــبر لشده
رحمك الله ياصـــــــــياف رحمة=تعم أمواتــــــتنا من كــــــــل بده
سحايب مـــــن منشاها تشـــــكل=بوامر من يصــــــرفـــــها بـيده
يسابقها البرد علي ضريــــــــحه=وتسقي كل قــــــبرا وكــل خـــده
يالين إن القراح يشــاف سيـــــله =علي حدود السهول المـــجرهده

الله يرحم شعرنا صياف ويسكنه فسيح جناته

[محمد بن جعيثن]

الاخ عادل

شكرا على هذا المجهود
ورحم الله صياف بن عواد


لك الود

[تركي الزايد]

رحم الله صياف

ويعطيك العافية

اخوي عادل البدراني

[صالح الربيع]

بارك الله فيك اخوي عادل

مرثيات تؤكد الحب والانصاف لهذا الرمز المحبوب من الجميع

تقبل تحياتي

[أبن مفلح البدراني]

صح الله ألسنة هؤلاء الشعار لهذه المرثيات

في شاعر الخليج / صياف الحربي

رحمه الله واسكنه فسيح جناته

سلمت
اخوووي
عادل
على هذه النقله