حالفٍ ماخذ على الطرقي ريالـه

[محمد بن جعيثن]

السلام عليكم


قصيده للشاعر / راشد بن حسن بن الذيب العجمي

قالها إبن الذيب من هاجوس باله=كلمةٍ يلعب بهـا والبـال زينـي
قالها يومه طرالـه مـا طرالـه=من هواجيسٍ تشيب المرضعينـي
غرّني بعض الرجال بكثر مالـه==مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طينـي
ماش وين اللي عوايـده الشكالـه=مثل إبن ظافر حمد ليته يجينـي
الثنا والجـود دايـم فـي خيالـه=علّمـه ظافـر سلـوم الطيّبينـي
جـوّد العليـا ولزّمهـا عيالـه=وأدركوا من علمته دنيـا ودينـي
واهني من باع حظّـه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشاه يقعـد مرّتينـي
وكم ذبح من حايلٍ من حر مالـه=وعادته لطمة خشـوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّـه لحالـه=يلتفت ويقول : وين المستحينـي
أوقف الموتر حيا وأبغا الجمالـه=يوم ولد اللاش وجهه مـا يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الطيّبينـي
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون من زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغا بدالـه=قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه=طيّـبٍ وأحـب سلـم الطيّبينـي

[احمد بن حزام البدراني]

الاخ:
هبوب الجنوب

قمه هذه الابيات
حكمه وجزاله
صح لسان من قالها
وتسلم يمين من جابها

اختيار طيب وموفق لاهنت
وقد اشتهر من هذه القصيده هذا البيت بين الناس :

الولد وإن طاب قالوا من خواله=بالخـوال يسـال قبـل الوالدينـي

تقبل الود

[ابن شنوت]

هذا البيت اشهر من علم والكل يردده ..
الولد وإن طاب قالوا : من خوالـه
بالخوال يسـال قبـل الوالدينـي

يعطيك العافيه يابو عبدالله وماقصرت على النقل
والاختيار الموفق ...

[تركي الزايد]

الاخ

ابوعبدالله

صح لسان القايل والناقل

يعطيك العافية

صادق الود

[أبن مفلح البدراني]

صح الله لسان الشاعر / راشد بن حسن بن الذيب العجمي

على هذه القصيده الجزله

وسلمت يداك يا ابو عبدالله على النقل الاكثر من رائع

دمت بخير