السلام عليكم ورحمة الله وبركاته
مسيتم بالخير جميعا ....
هذا الشاعر كسرت الفنجال عنده قبل امس
في البيت
وقعدنا نسولف
والسالفة تجيب سالفة ......
المهم اننا دخلنا في مجال القصيد
وتكلمنا عنه بشكل وااااسع
واكتشفت ان الرجال ماهوب هين
عنده ديوان .... دفتر
وعنده كشكوووول خواطر ........
واطلعت على عدد من قصائده وبصراحة اعجبتني
واستأذنت منه بانزالها في منتدانا ..........
الشاعر هو :::::
عادل بن محمد البدراني ( من الطحوش )
ماطول عليكم ...... اليكم القصيدة ::::
بديت باسم الله عزيز الجلالي=عداد ماهل المطر في سحابه
وعداد ماهبت هبوب الشمالي=وعداد ماسالت ربوع الشعابة
من بعد ذكر الله كتبت المقالي=واخذت طاروق صعيب الكتابة
نصيحة فيها جواب وسؤالي=تقرا السؤال ولاتعرف الاجابة
من شاعر شعره سمان وجزالي=يتعب ورا الجزلة ويشعب ركابه
ياخذ مع الهاجوس جنوب وشمالي=جار الزمان ودهوره في شبابه
عزي لمن مثلي به الهم طالي=دارت به الدنيا وطشت زهابه
واخذت في دنياي درس ببالي=من واقع الدنيا صمت الغرابة
عن ماضي الذكرى وسود الليالي=وعن ماحصل بالوقت واللي جرا به
وسلامتكم ........
الإهداءات
« آخـــر الـــمـــشـــاركــــات »
14-05-2007, 12:30 AM
شاعر بدراني قادم بقوة ؟؟
العرض العادي
