يا عل عينٍ مابكت فرقا الاضعان

[مشاري البدراني]

يا عل عينٍ مابكت فرقا الاضعان = تعطى النويفج لين تذبل ذبليا
اليا شدوالعربان منعقب مقطان= والصبح منهم جانب العد خليا
وتفرقو من نقرة العد سلفان = احد رحل جنوب واحد شمليا
واقفو وراحومع وسيعات الاوطان= وكل على سفن الصحاري رحليا
عليهم الخافق تقل فيه نيران= وتصلاه غمزات الهواجيس صليا
على اللذي له داخل القلب مسكان= وعليه مااسمع عاذلي لو عذليا
عين الفريد اللي مرابيه فيحان = الريح لاعه واستذار وجفليا
وسمع الحساس وشاف بالعين زيلان = واستاكده بين الوعر والسهليا
الصاحب اللى منه القلب عطشان = ولاينجلي حبه عن القلب جليا
اقفوا به البدوان والقلب حيران= وسود الليالي ماعطتني مهليا
شدو وانا من شدة البدو زعلان= ولامن وصاطه بين اهلها واهليا
وجيته وانا في وقتها كنت مرضان= من شدة العربان فيه زعليا
وقلت السلام وغادي الفكر شتان= واللي بغيت بخاطري ماحصليا
وانا عليه بسلم الاحباب شفقان= ومن غير مشروهي فلالي دخليا
وطافت مشاريهي وانا كنت شرهان = سنه صغير وغاطس(ن) بالجهليا
وقلت الوداع وغادي وجهه الوان= متخالط فيه الخجل والزعليا
وذقت الفراق اللي مشاريبه احزان= وانحل بحالي والمحاني هزليا
كني كسير شمله ريح ريحان = نوب يفيق ونوب يذهل ذهليا
عليك يالمجمول ياخدر الاعيان = سميت حالي لين جسمي نحليا
الحب مثل النوم والنوم سلطان = والله بلاني في محبتك بليا
وجانا الربيع وربعت كل الاوطان= وانا معاليق الضماير محليا
وطال الرجا واللي مضى تقل ما كان = واللي بنينا لغدنا ما كمليا
لاشك خبرني عسى ماانت خسران = اوشايف اللي بالطويله تعليا
وان كان حدوك المقرد وعدوان = ماني لاابا زيد (ن)ولانتي بعليا

للشاعر// جزاء بن صالح الحربي

[راعي الديره]

بيض الله وجهك نقل رائع وشاعر مبدع

[محمد بن جعيثن]

الاخ مشاري
اختيار جميل وموفق


لك الود

[مشاري البدراني]

المشاركة الأصلية كتبت بواسطة راعي الديره

بيض الله وجهك نقل رائع وشاعر مبدع

الاخ ///// راعي الديره


يامرحبا فيك و وجهك ابيض وشكرااا على مرورك العطر



تحياااااااتي لك

[مشاري البدراني]

المشاركة الأصلية كتبت بواسطة محمد بن جعيثن

الاخ مشاري
اختيار جميل وموفق


لك الود

الاخ /// ابوعبدالله


حياك الله و الجميل مرورك وشاكر لك مرورك العطر



تحيااااتي وتقديري