ما دام بــدراني لـي العـز كـله

[عبدالمطلوب مبارك البدراني]

هذه قصيدة حظيت بها من الأخ الغالي فهد مبارك البدراني وأحببت أن أطرحها بين ايديكم لعلها ترتقي إلى ذائقتكم ودمتم .........

الطيب في وجهي مثل بارق الـوسم = وأنـــا عـلى نفسي ما احب المذله
إذا بـدى الـلازم فـأنــا حـازم ٍ حسم = مـــن عــلني أكـويه بألـفـيـن عـله
رسمت لي عـنوان واتقنت بالــرسم = مســلـم و لا لي غير الاسلام مله
سني أنــا واضح و لا ادس لــي سم = وأنــا سعودي أرضنا خــير حله
وما دامني حــربي فلي أكبر القسم = وما دام بــدراني لـي العـز كـله
و مدامني سهكر فــأنا أكلي الـدسم = و مدام عـــابد جـد خصمي بغله
و مدام ابـوي مبارك الوافي العسم = فـأنـــا على درب الــوفـا ما أزله
اسمي فهد من هو زهـم قـلت له سم = لا اخون لا اكذب ولا الغدر لـِــله

الشاعر / فهد مبارك البدراني

[عبدالكريم البدراني]

سلمت يديك على النقل اخوي عبد المطلوب
وصح لسان فهد مبارك على القصيده
الأكثر من رائــعـــه

[راعي الديره]

ونعم بفهد وابوه واخوانه كلهم قصيدة جزلة مثل راعيها شكرا ابو ناصر وبيض الله وجهك

[الحرير]

ونعم وصح لسانك

[*فيصل علي*]

صح لسان الشاعر فهد مبدع


اخي عبدالمطلوب اشكرك لنقل هذه القصيده الينا


لك مني خالص الود