المنــــوة

[عادل البدراني]

هـذي القصيدة من أحــد قصائـد الشاعـر/ ممدوح محمد البدراني

أعجبتنــي وحبيت أن انقل القصيدة وأن شا الله تحــوز على رضاكم

الون وقتي صارليه على الكيف = حققت شين راسمه في خيالي
بنيت قصرآ مايسكر عن الضيف=مفتوح بابه مد هلآ للرجالي
مع مجلس به مزوح وسواليف =جلسة النشاما من كرام السبلي
ونارا سناها يصتلي ياكل اليف =والجمر الاحمر فوقه اربع دلالي
ماها من غشون السحاب المراديف =يشفي غليل اللي همومه أثقالي
والجيب الكزز من جديد التصانيف=من صنعة اللي النصارى موالي
مراتبه تجليد مخمل وتكيف=ولونه أبيض جناح فتحه كمالي
مثل الصقر من فوق روس المشاريف=منتهضن خشمه عن الارض عالي
له هيبت ترغب مثل هيبة السيف=في يمنى والد شداد وقت القتالي
لاشفت زوله واقفن قالت ياحيف=عزالله أن الزير سالم قبالي
لوصف تعجزعنه كل التواصيف =أسمه زعيم ولا الا غيره مجالي
وحطيتلي ذودآ سمان ومواليف=خمسين ناقه فيهم أغلى حلالي
مثل البرد لاطاح من وابل الصيف=عشرين خلفه غير تسعن متالي
أوساع النحور أم الخشوم المهاديف=أطوال الرقاب مبعدات المفالي
أعراض الجنوب أم اليدين المنحيف=مع طولت القامه وساعن طوالي
مرباعها الصمان والقيض بطريف =وان طاح الحيا في نجد ياهملالي
هن الاوايل فيه بيض الاشاعيف =متساوين راس الجبل والسهالي
لاطيرن أوبارهن من بعد ريف =وردن على عدآ قراحه زلالي
في خايعن فيه الخزامى مل فيف=ثم شرعن يشدن روس الجبالي
ياعنك عنهن مابخلنا المصاريف =من شانهن نبقى مرخصين الريالي
وخذت بنتن فارقه مابها حيف=مثل القمريجلي ضلام الليالي
اسوق فيها المال مابه تحاسيف= وتستاهله لواندفع كل مالي
بنتن غلاها داخل القلب ماشيف=ويا الله تجمع بين غالي وغالي
لاصار ابوها من يسوق المعاريف=وفيها اجمال ودين ويضآ دلالي
والها اخوانن نسبهم فيه تشريف=دايم على العليا قروم العيالي
عقيل وقت الجد ماهو ملاقيف=ومعربين جدودهم والخوالي
انشهد انه صارمابه تكاليف=وحققت ماريده وريحت بالي
ماهني اللي وسط باريس وجنيف=ول هني اللي كان صاحب معالي

الشاعــر/ ممدوح بن محمد بن فـتنان البـدرانـي

[محمد بن جعيثن]

قصرآ
والجيب الكزز
وحطيتلي ذودآ
وخذت بنتن

الاخ عادل
ماشاء الله تبارك الله
اماني مشروعه
وان شاء الله يحقق لك وله الاماني
صح لسان

الشاعــر/ ممدوح بن محمد بن فـتنان البـدرانـي
ومشكور على هذا الابداع والدقه فى الاختيار
تقبل صادق الود

[ابونورة]

اخي الكريم:

الامل هو اجمل شي في الحياة

ويقول الشاعر :

اعلل النفس بالآ مال ارقبها === مااجمل العيش لولا فسحة الامل

كل انسان له رجوى في الدنيا ولن اقول امنية لان الامنية لاتكون الا للمستحيل ففي سبيل ذلك تسير النفوس لعل ان

يتحقق ماتحب فالذي نقلت اخي اقرب ماهو للامنية من الرجاء

ومن يملك ذلك قد لايكون سعيد كون السعادة في الخاطر وليست بشي محسوس هكذا ارى مع اني لم اجرب ترف الحيا ة

المذكور في القصيدة مع اني اريده كوني انسان عاجز عن كبح جماح نفسه عن الدنيا الحلوة بنظره

لقد اعجبتنى القصيدة لاني وغيري يحب ماذكر فيها وكذلك لدقة الاختيار المتوافقة في هوى النفوس

يقول ابو العتاهية

النفس ان اتبعتها هواها == فاغرة نحوَ هواها فاها

اخيرا انت مبدع في انتقاء القصائد ولابد من شكرك

شكرا جزيلا لك

[تركي الزايد]

الغالي /عادل البدراني بيض الله وجهك
قصيدة جزله وامنيات جميله ...
صح لسان ناقلها وقايلها

[عوض البدراني]

[align=center]الاخ عادل البدراني

دائم علومك طيبه وماتجيب الا الطيب

سلم يمينك وصح لسان الشاعر ممدوح البدراني

واسال الله ان يحقق امانيه ماعدى :_

وخذت بنتن فارقه مابها حــيف**** مثل القمريجلي ضلام الليالي
اسوق فيها المال مابه تحاسيف****وتستاهله لواندفع كل مالي

الا اذا كان يزال عزوبي الله يرزقه

عموما ماقصر صح لسانه وقصيدة جزله ووصف جميل [/align]