عبد الله لويحان

[اللهبي]

[

	محاوره بين لويحان و احمد الناصر عام 1396 هـ لويحان : سلامي يا من حضر رديَّةٍ حلوة وسمحة مقاد ..…………….… رديَّةٍ وافيه واطلب من احمد زين مردودهـا يا سيِّدي يابن سٍيدي برّقوا بالجمع والانفراد ………………… انتم حكم ملعبتنا وانتم الحضّار وشهودها أحمد : يا مرحبا بالعميل اللي طروقه بالمحاضر جداد …………… اعداد وبل المزون اللي تهز الضلع برعودهـا يا لله عليك اتكالي يا عظيم الشان والاعتماد ..………… يا مدبّر الكون دبّر نفس عبدك وانت معبودها لويحان : شبيتّ واليوم شايب ما تبعت اللي يحب العناد ..………… تلطم خدود الأوادم واسود اللطمات بخدودها يا ما اعتدوني وجوني مار صار الدرب صعب سناد …………. والناس لولا حمقها طمعت الاجناب بحدودها أحمد : ما وكل آدم على ذريته ربك وكيل العباد ..………………… خل الاوادم تصادم خيل طاردها ومطرودها يا للوح كلٍ اليا جيته يقول اني عقيد الشداد …………… والطيبه هينه في حال والا حال ياكودها لويحان: انا ادفن القرص في جمرٍ تلظَّى ما ادفنه في رماد ….………… احب بيض المعاني كلها ومجنبٍ سودها من طرّد الهرج يبلش ثم يبلش مثل داب الجراد ….……… الناس تفهم وتعرف طيب التمرة بعنقودها أحمد : ان شفت لك مجتمع ما ترغبه جنّب وصر بالحياد ……..... تمسي وتصبح سليم ولا يجي سمعتك منقودها خل السوالف تجي وتروح قدّام الشتا والبراد ………. ودك تسولف ونفسك ما درينا ويش مقصودها لويحان : انا على الشاعر المتكبر المرجوج مالي جلاد ………… اقول ويقول غيري كل نفسٍ نقصها زودها يقول انا الشاعر اللي ماظهر مثلي على وقت عاد ……… شعره على ناس مثلي مدها من قال ما جودها أحمد : الحمد لله لا قومٍ تصبحنا ولا من هجاد ...……… والناس بالملعبه يا للوح تبذل كل مجهودها خابرك فيما مضى رجلٍ صبور وبالمعاني ستاد ….… مالك ومال العرب والناس تنحى الناس بزنودها لويحان : ما احب كشف السراير والمعاني في ضميري جداد ….. يوم ان بعض العرب يدخل على الأموات بلحودها الفاهم الفاهم اللي شاطرٍ بالحل والانعقاد ……… ما هو بيرمي من الجمرات في غبّات بارودها أحمد : ان طعت شوري تركّد والقرار الزين رمي الركاد .………… ترى الفتن ما تصيب الاّ من العربان مقرودها

[تركي الزايد]

الغالي/ اللهبي
ماقصرت نقل رائع لشاعرين من اعلام شعر القلطة

[البرنس]

السلام عليكم ورحمة الله وبركاته
محاورة رائعة بين شاعرين رائعين
ومن اعلام الشعر في بلادنا
رحم الله الميت وشفى الله الحي ،،،، ونقل موفق