يا هاجسي عطني من أجزل معانيك
و بأصير أنا يا هاجسي كاتبٍ لك
و اعرف ترى بعض البشر ما يقدّيك
بعض البشر ينفعْك لكن يذلّك
أبيك تنخى اللي ليا قام يشفيك
و إليا فعل ما قال أنا فاعلٍ لك
و أبيك تنخى شحص لو ما يحاكيك
إليا سمع بك شي جا فازعٍ لك
نظيف قلب و به حميّا تخليك
تحب راسه لو ماهو شايبٍ لك
هذاك أبو راشد و لا فيه تشكيك
هذاك هو اللي أنا ذاخرٍ لك
قل : يا صقر خمسين نعمٍ بطاريك
و خمسين نعمٍ يا صقر في سجلّك
فعلت هذي ما تبي منفعة ذيك
و لا انته بفاعلها لأجل حاجةٍ لك
و لا انته براجي من حدى الناس يعطيك
مير العلوم الغانمة عادةٍ لك
فالمرجلة يا صقر كلٍ يزكيك
حتى الزمن كانه نطق شاهدٍ لك
.................................................. .................................................. ...
من تتواقع انه يستحق ا ن تقولها له...