ياعلـي خـل العـيـد لام الدنـاديـش

[عالي الهمه]

ياعلـي خـل العـيـد لام الدنـاديـش
****الـلـي تـفـرك كــل يــوم ٍ جسـدهـا
تبغي تمـاري ناقضـات العكاريـش
****فـي كـل ملـفـاح ٍ تنـقـض جعـدهـا
العيـد عيـد الله ولـو فـات حتـيـش
****مـن حسبـة أيــام ٍ يـمـرك عـددهـا
نبي نعلمك المساري على الجي
****تمشـي ذلولـك ليـن يفتـر جهـدهـا
خابرك مانت بضاري ٍ للمطاريش
****نبيـك تونـس حلوهـا مــن نكـدهـا
ليله على مسـرى وليلـهٍ مغابيـش
****وليلـه نخلـي نومهـا لمـن رقـدهـا
وليله على تمره وليله على عيش
****وليلـه نوكلـك الشحـم صيـد يدهـا
ياعلي لاجيت العرب لاتجي ديـش
****خبل ٍ ليـا جـاب السوالـف سردهـا
إحفظ لسانك لايجـي فيـه تبطيـش
****تصبـح عيـونـك كـايـدات ٍ رمـدهـا
يجيـك مـن ينشـدك نشـدة تقتيـش
****يـبـي يـسـنـع هـرجــة ٍ يعتـمـدهـا
خله يقـوم مفلـت ٍ فـي يـده ريـش
****يـروح مـنـك وحاجـتـه ماوجـدهـا
تـرى دعابيـل الخبـول الفوانـيـش
****تبـدي بمـا فيهـا ولاحــد ٍ نشـدهـا
يجيـك واحدهـم يــورّش تـوّريـش
****عجاجتـه يسبـق مطـرهـا رعـدهـا
ولا لعمـقـات السـوالـف مناقـيـش
****قرايـة الكلـمـه عـلـى أول عـددهـا
تجي سوالفهـم بضحـك وتبهيـش
****وقلوبـهـم مـحـد ٍ يـفـكـك عـقـدهـا


منقوووولـــه
لشاعر صقر النصافي رحمه الله تعالى

[عبدالمطلوب مبارك البدراني]

صح لسانك أخوي عالي الهمة ورحم الله صقر النصافي

لك تحيتي وتقديري

[عالي الهمه]

شكرا اخي واستاذي مبارك مرورك اضفي علي متصفحي البهاء والنور اتمني لك والسرور

[محمد بن جعيثن]

الاخ عالي الهمه
شكرا على نقل هذه الرائعه

لك الود

[سلمان الحجيلي]

صح لسان الشاعر

وبيض الله وجهك على هذا النقل الموفق

تحياتي وتقديري

أخوكم

سلمان ناشي الحجيلي